(督死你！督死你！督死你！)
難怪咁多人養養下貓都想放棄。
的確唔係所有貓都係乖，特別係我屋企呢一隻。
我家積積對潮流時裝之觸覺，比人還要敏銳！
例 子(一) 本人有一區的《Sex and the City》美版 DVD 全套共七盒(每套最少港幣$300)，擱在 DVD 機頂，因久唔久都會拎出o黎睇下，貓曾經把半數的 DVD 倒翻在地面，係 DVD 要o黎 play 過面掂地！究竟有幾多套花o左呢？我都無眼睇！
例子(二) 有一玫瑰狀襟花本人甚喜，但少戴，放好響櫃，某日歸家失驚無神竟見襟花響地面離櫃幾丈遠！ 兇手仲要擔佢出o黎玩兩玩就唔玩！辣手催花！
例 子(三) 剛於今晚 10pm 發生，又好彩咁o岩我響屋企，本人有一 vintage lace 裙，只喜慶節日大時大節先會出場，買時都 1516 諗o左好耐行o左幾次，購自 DaDa，原價 $2XXX 都要等到佢特價 $1XXX 先捨得買，講咁多，就係想講呢條裙我係非常鐘意兼且係好有記念價值同埋佢係 vintage lace，即係話，可一不可再！
貓，當然知道你鐘意o的咩先揀o黎咬啦！
事發時兇手剛成功跳起口咬裙擺 － 即係果塊薄薄o既 lace 表演引體上升！！！我喝住佢都扮聽唔到！
正想一手捉住佢喪打就即刻跑開！
呢埋入床下底！幾經辛苦先捉到佢，炳佢一鑊金！
兇手現正於監倉(佢個籠)服刑，服刑期間所有玩具毛巾全部充公！
可怒也！！！！
發佈留言