狸屋台屋

香港作為一個美食之都,有很多的菜式,聰明的香港人都有他本地化的版本,譬如港式豉油西餐,辣味減淡的川菜,諸如此類令到菜式更適合本地人的口味。但有一種菜式是絕對不能夠港式化的,那就是日本菜了。日本菜之所以好吃,很大程度跟日本人本身做事嚴謹有關,食材要新鮮,做法一絲不苟,不會偷工減料。而這些優質的民族個性,都跟港人凡事愛「走精面」的精神是背道而馳的。

晚上和男友在太古城一帶找吃的,商場內的店人潮滿滿。商場外的,又好像有點太貴不是很適合平日晚間 (加上糧尾) 的活動。最終走到遠離商場一點,有一家是吃中式小菜的新店,只有三數人客,看樣子不太可靠。再來就是這家狸屋台屋,午膳來吃過 (相關舊文),印像中也覺得不是很好,但因為日子久遠,再給他一次機會也不為過。

我倆的座位被安排到魚生檯前的卡座,裡面的那個小師傅不知道在搞甚麼飛機,可能在用電鑽鑽地(!)啦,總之吵得震耳欲聾,大概是十部那種舊式攪拌機同時開動的聲浪。我跟女侍說覺得很吵耳,女侍就說那個師傅之後不做這個菜式的啦放心,結果卻是被騙,一頓飯有一半的時間都被噪音騷擾著。一人前晚餐 HKD$69 至 HKD$99 (未計加一),女侍在旁不停催銷貴價刺身,比噪音更擾人。


男友點的是豬骨湯拉麵加小魚生飯,因為店的環境很昏黃,拍拉麵照時還未準備調好相機,照片拍太醜,就不放上來了。魚生飯的 size 其實都頗大,放的是雜錦魚生粒,不過想當然不是很新鮮。


我點的餐原本是野菜湯手打烏冬,不過因為我很愛吃冷烏冬,就加 HKD$10 轉了。可是後悔到爆,烏冬根本就不是手打的!只是那些 HKD$10/3 包的普通烏冬,水也沒有滴乾,整碟都是濕濕的,又沒有放竹墊隔水,很不好吃。


滑蛋吉列豬扒,對,只是豬扒,無飯,很吊詭。味醂味噌下太多,鹹到會腎炎。還好是即叫即炸,雖然豬排粉漿沾太多但還是可以入口的。烏冬吃完了才捧過來,有菜無飯,最後還是再加點了一個白飯,果然就好吃得多。

最後奉上的有兩顆雪米糍,這差不多是港式日本料理的標記,最尾一定奉上雪米糍當甜品。其實我也不是很明白,為甚麼一定是雪米糍呢?

買單連加一 HKD$188,情願餓死都不會再來。

---------------

狸屋台屋 Yataiya
地址:鰂魚涌太古城地下1004B號舖
電話:2967 9219
菜式:港式日本料理

13 則留言:

吳瑾 說...

真的很不好吃...
我覺得鰂魚涌的屋台屋也是差不多價錢,但質素好像好一點...

Pris 說...

去左康怡吉之島未呀? 大戶屋OK喎!

Mademoiselle 素顏天使™ 說...

Pris > 哈!你話呢?我尋晚食完去到 9pm 幾, 行去吉之島 supermarket 買野, 大戶屋門口仲有 20 人左右. 吉之島閂門都未排得到.

Mademoiselle 素顏天使™ 說...

吳瑾 > 兩間以前有分別,而家無分別。

P 說...

大戶屋真係要早少少去排隊,超多人,不過真係幾好食,炸雞排好正!

Mademoiselle 素顏天使™ 說...

P > 你都話正咁應該真係好正喎~

P 說...

我食過三次大戶屋,覺得最正係梅醬蘿蔔茸配炸雞排,佢克服咗炸雞排的最大問題 -- 容易乾硬冇肉汁,但佢塊雞排就脆口之餘,裡面夠熟但唔會老又硬,而且多肉汁,好難得。

炸豬排反唔及炸雞排做得咁好。

籠仔蒸帶子飯幾香,但帶子有少少鹹。

燒花魚有少少地雷 (係唔腥,但亦冇乜味; 有機會或者會再試下秋刀魚),滑蛋飯個蛋汁都做得好。

定食個份小菜做得有誠意,唔係求其淥條菜畀你就算。

甜品的話,食過兩次新地 N 都肯收貨。

如果夠膽食秋葵、納豆、山芋蓉,佢有個集以上三者再加生蛋黃伴豆腐的小吃,我都覺得幾好食。

總括唻講係香港難得似樣的日式定食屋。

開幕之後一星期,我兩公婆去食咗三餐,連帶一個住呢頭的同事都食咗兩餐。 XD

唯一最唔好係,佢真係好多人排隊,我試過六點去都要排十分鐘先有位。

Mademoiselle 素顏天使™ 說...

P > *o* 超級詳盡!! 不過 6pm 你地就放工就好啦, 我都想早的去早的有得食. 但係無計男友最快都要 7.30pm 先返到屋企. 咁樓上果間好似食日色西餐你有無試過? 門口有賣 Italian tomato 的蛋糕.

我上星期日晚諗住去吉之島碰下運氣, 6.40pm 同男友兩個, 全部食肆都有去 手羅 飛, 全部的飛都派過左 100 個 (means 要等 100 張!!!)! 好得人驚!!!

歌唱魂 說...

我覺得馬上乘飛機去東京的大戶屋吃可能會快過等吉之島。所以我到現在仍未嘗過。
聽這裡各位說的﹐大戶屋似乎真係保持到本色﹐真好。我當日在日本﹐就係驚嘆為何這廉價有如日版精緻大家樂的店(事實上有些店比香過大家樂殘舊﹐不過衛生與味道當然遠勝啦)﹐冷烏冬可以做得這樣好1?
你點解又會去左屋台屋?我不知道現在多了個狸字有甚麼分別啦﹐總之都係同公園仔那邊分店不相伯仲的了。
你都直接介定為港式日本料理了﹐算啦。有時選無可選﹐係會迷糊地話“不如俾多次機會佢啦“﹐可惜後果通常堪虞。

Mademoiselle 素顏天使™ 說...

歌唱魂 > 公園仔果間以前曾經係好好食 (講緊起碼六年前), 個地理環境又隔涉, 偷情都好一流架. XD 好可惜我早三年左右去已經完全唔係果回事了.

東京的大戶屋其實我係有的印像有食過, 但唔 sure. 不過就算唔係, 求其一間做定食的 (或近似價位) 都好食過香港咁囉.

我好想知幾時先肯比返間清靜吉之島我! 好鬼多區外人入黎湊熱鬧呀!!

P 說...

樓上個間我只係飲過一杯抹茶拿鐵,係我近五年來飲過最難飲的一杯飲品,難飲到我用清水潄口都唔掂,要即時落么鳳買芒果乾用更強橫的芒果乾香甜去冚咗佢。

食品我冇試過,但據 N 的同事講,同普通 Italian Tomato Cafe 冇乜分別。

順便報告,山頭火叫做keep到,不過我覺得個湯比以前淡咗少少,同埋份麵都好似比以前細份咗。但叉燒仍然好正!

Sakura Street的銅鑼燒比初來香港時做得更鬆軟,值得一試。

但隔籬笑來美餅就軟過頭,不過,睇咗香港只此一家份上,我會去幫襯。 :P

我覺得吉之島最少仲會逼多一個月… 啲雜誌講完之後我都唔敢去住…所以以上所有食後報告,都係試業個個星期試的。

puiyee 說...

食左夢見屋(即Italian tomato),三文魚湯飯幾好味,意粉普通,跟餐果d粉多餸少,但個招牌士多啤梨蛋糕好難食!!完全係浪費晒d卡路里quota,激死。

我都好希望吉之島可以回復昔日既寧靜,九點幾麥記都仲要等位,好痛苦呀!

阿花 說...

好詳細呀@0@,估唔到大家都吉之島周圍咁多食店有咁深入之研究,
不過吉之島好似仲好多人,
我都係等熱潮過左先去睇睇~