天不怕地不怕o既林積積，終於遇上敵人！
事緣今晚夜收工，9pm 同幾個朋友食下飯吹兩句水，返到屋企已經11pm。
我一返到屋企 － 仆街啦今次！！！！！！！
廚房度門開o左！！仲要好明顯係比貓推開果隻，連門後面個掃把都跌埋落地，一地膠袋殘骸，拖鞋又飛到周圍都係！廚房好污糟o架嘛，一向都係貓禁地！
林積積仲唔知死，我即刻捉住佢炳佢一鑊喪甘！！因為佢死抓住個鐵籠，仲搞到我連指甲都撞崩埋！！
鎖住佢之後，谷鬼氣，打比男友，男友話：「不如你試下用風筒吹佢！」
記得上一次我幫貓沖涼，佢抓到我男朋友成身損晒果鑊嘛？佢就係最驚個風筒o的聲！！
半年前林積積初o黎報到，已經百厭到不得了！
朋友教試下用o即壺裝水噴佢眼，等佢從細學乖。不過天生大膽o既林積積，當然無有怕！
「o即水？！超！驚你有牙！我膠壺都咬爆你呀！！」
後來打佢呀，鬧佢呀，鬧果下就驚，轉頭就已經唔記得！搞到我都放棄埋，由鬼得佢成日都咬我抓我。
求先我插o左插蘇，一開！！林積積已經驚到響個籠度大力亂撞，仲打瀉晒o的水！！我用個風筒指住佢，佢即刻就「唬」個風筒仲發出o的怒吼！！！勁驚恐！！
嘿！嘿！嘿！嘿！嘿！嘿！
卒之都搵到林積積o既死穴啦！！！！！
而家佢見到個風筒都已經驚到爆！我終於搵到對付貓o既超級武器啦！
(貓與風筒之對恃圖，林積積發脾氣整亂晒張地氈，裝裝下準備開拖打個風筒)
發佈留言