A君年少努力，年年交足稅，30 幾歲結婚儲夠首期買入 200 萬私人樓，往後 30 年為層樓同銀行打工，利息比銀行已經有 200 萬，60 幾歲以為可以安享晚年，但年老多病又無資格享有公共醫療福利，窮緊之餘靠積蓄過活，點知強制驗樓要收佢一筆驗樓費，報告說要佢座大廈要大量維修，可憐兩公 婆無錢維修，想賣樓又無人要，走投無路下，只好雙雙流落天涯，無家可歸。
B 君讀書一般，做下散工有個臭味相投o既女友，一於結婚一同申請公屋，好容易就比佢o地分到上樓，上樓後2人無乜事做一於照特首意思生3個，搵唔到o野做把 心一橫申請綜援，萬幾蚊不知幾好駛，個仔近視都有配眼鏡資助，o的仔大個o左叫佢o地一個二個去申請公屋，30幾年後，層樓破舊但有政府用A君o的錢同佢 維修，年老多病打電話叫醫護車佢地去公立醫院睇醫生，一包二包葯比佢，慌死佢o地投訴醫院，返到屋企弄孫為樂，抱孫看街景，指著天橋下的A君說：
『孫仔，比心機申請公屋呀，如果唔係你就好似呢個老人家咁仆街！』
發佈留言