新居入伙篇 (一)

我就o黎比o的仆街煩到我癡線，知唔知咩o野叫打亂人個 schedule o架？

因為呢排我同男友公司都好忙，唔請得假，所以盡量安排所有送貨o既服務響夜晚 6pm 後。

以下呢個 list 係比各位參巧下。

1) IKEA
之 前送電視櫃同書架衣櫃，買果時電話已經講到明要 2-6pm 時段最尾個 order (即約 6pm)，當日無端端 3pm 打o黎，話15 mins 後要送貨，我即刻媽叉爆佢，個送貨仔就死話張單無 mark，仲話係 15mins 後，如果唔係就直飛上半山唔落返o黎...

結果，我唯有死死地氣同上司請一個鐘頭假飛返屋企等班粉腸！



2) 實惠
講明先，我不嬲都好憎實惠，因為佢o的傢俬款式勁 leung (仲要唔平！)，但係因為我個睡房擺床個 size 勁細，逼不得已就要響佢度買，因為唔係訂做的話現貨傢俬係得佢一間有咁細張床。

床褥床架仲要係分開送，床褥果日就遲到個半鐘！

床架呢，送貨部尋日打o黎逼我今個星期三 1-4pm 響屋企 (但係我落單果時係訂 6pm 後的！) 但係有乜可能？結果要去到星期五先有期！

即是話，我仲要捱多三晚 目訓 梳化生涯！



3) upet.hk (http://www.upet.hk)

呢間最離譜！

首先我 online 訂個貓廁所同其他貓用品，佢打o黎話個 website 張貓廁所相唔係個現貨！跟住就補另外 send 張相比我，都 OK 不過無 website 果個咁靚，都算。

約 好尋晚 6pm，幫我裝 boardband 個師傅做完晒o野，佢都仲未到，7.30pm 頂唔順巢返 website 個聯絡電話，打去，果位阿生用豪無歉意o既聲音話我果度張單搞錯o左！要夜o的到，最快都要 8-9pm (即是比原定時間遲3個鐘！) 我話咁你改 8-9pm 你都比個電話我先呀大佬呀！你知唔知佢點答？

佢話：「唔好意思，唔記得o左！」

但係唔搵呢間買又唔得，online o黎計呢間 min. charge 最平，呢頭方圓百里又無o的正常樣寵物店，係得吉之島有 紅蘿蔔 同 Q-pet，即是話，又係要幫襯佢！

焗激氣！！！！

最後就改做今晚送，如果今晚佢又遲我就打去鬧爆佢！！！

*upet.hk 即是寄居響各吉之島入面o既寵物店Q-pet

暫時最準時只有搬屋公司 恩家 同埋 百佳 online shopping (http://www.parknshop.com) 送貨，其他間間都唔知乜o野叫做時間觀念囉！！！！！