‧ 我6.30pm 返o左去西營盤舊屋果度油返o的牆，因為我多手o係個廁所畫o左幅畫~ :p 其實都只係係咁意，約o左包租婆 7.30pm 交吉比佢，我以為佢會再租出去，所以有個 層架 (同我新屋擺書果個同款，都係 IKEA，購入價 $3XX) 同 吸塵機 (購入價 $4XX) 留低無搬走，佢又話唔再租喎 (肯定係吹水)！要我搬走晒o的o野喎~ 限時一星期！到時先肯比返o的按金我！
但係佢見到我個窗簾 (兩隻窗，購入價 $6XX) 又反而話呢個是但你拆唔拆啦！cheap精！慌唔係見我個窗簾靚咩！(似 Laura Ashley o的布o架~ 我行o左好耐先揀到~) 見到個吸塵機又話想要！你就想啦！
咁 X 麻煩！我一條毛都會同你全部拆走晒！
‧舊屋個鄰居執o左我張電腦檯喎！我明明搬屋果日睇住o的師傅搬o左張檯落地下，尋晚返去見到阿舊鄰居擺門口箱垃圾有電腦檯既其中一個 parts~ 想要就早響呀！唔洗搬上搬落嘛~
‧upet 果然又遲到！我約佢 8pm，8.30pm 都 no show，打去插佢，仲死撐我話係 8pm 後 兼 態度差勁，結果 8.50pm 先到！！！！有無人有 online 買寵物o野o既好介紹？我想 black list 佢！！
‧細佬前日無帶鑽o係身，尋晚上o黎又鑽過，約佢 7pm，突然間有 emergency call 要做，9pm 先蒲頭，幫我裝晒個廁所o的架啦！YEAH~ 不過仲爭個水龍頭未拆，要遲o的先搞啦~ 搞無幾耐佢又有個 call 要做就又閃o左啦~ 飯都未食，陰公~
‧我晾衫果個位有2支好舊o既晾衫竹，比我掉o左啦~ 自己換o左o的新o既晾衫繩落去~ 呵呵呵呵~ 好叻！
‧多謝細佬，多謝林先生！
發佈留言