搬屋過程進行得如火如荼。
尋日呢就男友上黎幫手 pack o野同掉o野，好慘o架呢度！要行上行落5層樓梯，不停來回呀！真係辛苦晒呢！！
今日呢就夜晚同男朋友上o左新屋果邊，洗地掃地，不過都只係係咁意用漂白水拖o左兩次，因為聽日有傢私送o黎，肯定又會踩污糟個地！不過抹o左會比傢私遮住o既果o的位先囉~正所謂 － 「今日唔抹，更待何時？」
呢幾日最辛苦其實都係貓仔啦！因為我執o野搬到一地都係紙皮箱，廢事佢周圍走然後踩上床污糟邋遢，無辦法之下，唯有暫時用條長貓帶綁住佢先！真係慘！！無得跑o黎跑去呀！忍幾日啦~ 好快就有新屋住啦！
約o左細佬幫我手鑽o野同裝燈，希望個水晶燈仔可以如期交貨啦~
發佈留言