《天生一對》

尋晚休息一天，暫時唔執屋住，因為真係太支力。

早前抽獎得到兩張《天生一對》換票証，尋晚終於有時間睇。

例牌勵志，例牌歡喜冤家鬥氣變互相激勵，例牌o既劇情推進。

作為一套講o的咁 serious o既題材o既戲o黎講，都幾表面o羅。

之但係你話佢唔好睇，都唔係o既，有o的位都寫得幾好，譬如話燒炭果段啦，spa 度楊千嬅想佢兩個朋友和好果段，任賢齊開車撞楊千嬅果段都唔錯。

唔...但係兩個主角都面露疲態，楊千嬅同任賢齊都老o左好多。有幾個鏡頭，見楊千嬅o的肉甚至係鬆o架o羅，你都咪話，幾鬼驚。

戲個英文名改得幾好，叫做《2 become 1》。

Official Site：http://www.2become1themovie.com

題外話：我地去o左旺角 broadway 睇，因為咁橋男友之前有公事要響附近做，嘩，個迷你戲院細、o的位唔好坐無得捱住個頭都算啦！仲要係勁臭！一浸 up 味！真係臭到好似o的卡拉OK房一千年無洗過咁樣！

所以你都唔好怪我歧視九龍，係有理由o架o羅！