G.E.M.

最近,我都在狂聽鄧紫棋 (G.E.M.) 的 EP。


鄧紫棋《Where did you go》
作曲:Skot Suyama / 陶山 作詞:G.E.M. (亦有網頁寫陶山佔半首,待查),
編曲:雷頌德 監製:雷頌德

除夕夜我和我的友人唱 K 去,我點了 G.E.M. 的一首《Where did you go》。俊男友人 S 先生是古典樂作曲家,他話,好彩還有 G.E.M.,當他對 08 年一潭死水的香港樂壇快要死心,好彩,還有這個 17 歲的女孩子。

我第一次聽到《等一個他》的時候,心想,嘩乜首歌咁 90's?但女孩子的聲線唱功不錯,有些奇怪的口音,但都叫幾有特色,起碼不是千人一臉,入到腦。然後就聽到《Where did you go》,呢首好聽喎,見埋樣 (唱片封面),女孩子年輕,幾標緻,但封面有點不倫不類,一頭辨仔加校服 look,像 N 年前的 Britney Spears,也可算是青春期的特色一種?不過我都覺細路女 styling 好難做。

有人在 MSN 問我最近有什麼好歌推介,我話,G.E.M. 丫,幾好聽。他答我,G.E.M. 身材好勁喎 (大胸)。丫,果然男女看事物留意的地方不同,我只知女孩子的肺容量好大,倒是一直無留意她的胸。的確,身材正。


傾偈有片有偈傾

看叱吒個 show,小女生在台上說話清晰有條理不做作,討好。她說她扮金魚,我一頭霧水。友人傳來她在 Youtube 的片,撞鬼你,我作為一個中女,都覺得這個小妹妹好鬼 cute。


《Where did you go》live @ 2008年度勁歌金曲頒獎典禮

橫掃頒獎禮,拿下了所有的新人獎大獎,TVB 個 show 上面對如此大場面都不怯場兼揮灑自如。雜誌訪問 (最新一期《FACE》),原來 G.E.M. 的意思是 「Get Everyone Moving」,女孩子得天獨厚,聰明,洋文說得準,我以為又是國際學校 so called「鬼妹仔」,原來人家連會考中文都有個 B,全單 21 分,13 歲已是鋼琴八級。


(photo source from《FACE》)

Humming Bird 的老闆張丹 (上圖最右),我相信他捧新人有一手。不知道他和 Soler 那單官司背後誰是誰非,但你不得不承認剛出道時的 Soler 發展確實不錯。現在兩兄弟搞到要「高高興興買手信」,Rock 友變了做澳門手信代言人,都可謂不無唏噓。希望 G.E.M. 繼續有好發展,不用打經理人官司。

我相信這個女仔有得大做,大把有得上,但要等,等一首可以爆紅的歌,還有,轉過個唱片監制,唔該。


申延連結 ── 鄧紫棋 G.E.M. Tang Xanga

22 則留言:

Alex 說...

GEM上次來我們學校唱歌都好勁,唱live仲好聽過CD。
呢D先係真係PRO的歌手。
你上次唱oh mother真係超正。

Alex 說...

GEM上次來我們學校唱歌都好勁,唱live仲好聽過CD。
呢D先係真係PRO的歌手。
你上次唱oh mother真係超正。

c 說...

我最近也狂聽G.E.M.

^.^

GαRrㄚ5+2 說...

哈哈~
看來GEM越黎越紅....
還記得初初聽到等一個他派台...
雖然首歌唔係太討好...
但那句等一個他一聽就聽得出有實力....
到plug where did u go個時...
係我個ipod ge AP已經超爆哂70幾次~~~~

今次唱片監制...好似係mark雷喎...=.=

素顏天使™ 說...

GαRrㄚ5+2 > 係呀, 係 Mark Lui. 雷頌德, 你覺得佢掂? 我覺得佢好唔掂, 講完.

素顏天使™ 說...

GαRrㄚ5+2 > (續) 成張 EP 揀果批歌除了 "Where did U Go" 係揀o岩o左, 其他都 leung 到爆, 我無懷疑過 G.E.M 唔唱得, 但係揀錯晒歌.

素顏天使™ 說...

Alex > 乜我個 blog 有初中學生.........

C > 我主要係狂 loop 住 "Where did U go", 有時就成隻碟聽.

聶秀康 說...

雷生做左daddy後未安樂晒...攪D咁ge音樂?

素顏天使™ 說...

聶秀康 > 佢係無晒 sense, 乾左塘好耐. 我仍然懷念 Mark Lui 做過好好聽又好有型的音樂.

陳慧琳 (所有早期大碟)
黎明 (《或許未必不過》大碟)
郭富城 (《純真傳說》大碟)

不過, 無咯, 高潮已過.

玥兒 說...

我反而喜歡那首睡公主...係我的ipod頭位...

Meling Lam 說...

可惜where did you go都不算是Mark Lui選的,是GEM自己作的呀~

素顏天使™ 說...

玥兒 > um....道不同不相為謀

apple > "Where did u go" 作曲係陶山, 作詞係 陶山+GEM. "睡公主" 先係 GEM 作曲作詞, 但係編曲真係.....leung. 好似以前阿小雪o的歌......

素顏天使™ 說...

(補充) "Where did you go" 作曲係 Skot Suyama / 陶山, 編曲監製係 Mark Lui

"睡公主" 編曲監製 Johnny Yim, 雖然唔係雷生經手, 但佢呢個編曲都收貨佢都責無旁貸.

bO 說...

我都覺得佢係一個好得嘅新人~
不過d歌真係好90's... 一個17歲嘅女仔唱d咁"滄桑"嘅歌好怪....

GαRrㄚ5+2 說...

所以我ge意思係...
雷生D水準不嬲都係咁...
無乜奇望...
不過反而個編曲咁普通,
個亮點反而落左去歌者ge演譯身上~~~

令外...
我又唔覺得揀錯歌,
依隻係佢第一隻碟仲係ep...
等一個他夠搶耳~~~
where did u go大熱...
睡公主同回憶的沙漏算是作為她以前sing con的記錄吧...

anf 說...

真係好勁喎(身材)

等我又搵黎聽聽先

Steveny Yiu Yiu 說...

原來就是這個小女生唱"等一個他"及"where did u go"。當時聽到後還一直在想編曲幹嗎這樣老土...更深信香港樂壇冇得救之類...

唱片封套更不堪入目, 感覺很黑澀會,反而她出鏡的styling比較好一點

但聽過她跟eason合唱愛是懷疑後,wow!可是如果將她放在"星光",老師們一定會批評她說腔調怪怪不順耳,就像星光四到大概十五強止步唱"心動"那原住民男生(名字忘了)

-----------------------------------
"佢係無晒 sense, 乾左塘好耐. 我仍然懷念 Mark Lui 做過好好聽又好有型的音樂.

陳慧琳 (所有早期大碟)"

-->十萬個認同 想當年我很喜歡"懦弱"呢, 到現在唱K都會點 (主要是因為新歌不會唱囉!!) 那時覺得風花雪的唱片封面很漂亮

2000年後Mark Lui的東西簡直聽到我反白眼!花花世界、失憶週末、happy2000...

KKdance 說...

佢好細個已經o係 Westlife 黎香港既 press con 度表演唱歌, 超有經驗, 不容忽視, 訓練有數

lewis 說...

她剛出來時大家都聚集在她的胸。

不過幸好她的歌比她的胸更吸引。

素顏天使™ 說...

Steveny Yiu Yiu > 唱片封套更不堪入目, 感覺很黑澀會,反而她出鏡的styling比較好一點 <-- 完全同意, 可能是出道時摸下摸下觀眾 buy 的咩, 但我諗就絕對悟係果身豪放學生妹打扮了.

風花雪的唱片封面很漂亮 <--即係綿羊仔電單車側身曬長腿? 又靚又有型.

KKdance > 話佢細細個就掃晒o的學界歌唱比賽的獎, 所以好早就有人賞識佢喎.

lewis > 大家 <--- 男人和傳媒? haha

Garden of Eden 說...

你最尾個句﹕“轉過個唱片監制,唔該。”好得﹗非常有同感!!!

另﹐你幾時可以PO下你隻貓貓積少D近照& news呀?好耐無見佢喇﹗

cc 說...

看扮金魚的片後, O 嘴
有代溝吧

我2X 歲