週六宅女節目

以下這一篇,相當無聊。因為我過了一個無聊的週六夜,無地方去 (又無人約囉),好宅。


晚餐自己煮餃子,加上灼生菜,平靚正。


平常都是買灣仔碼頭 / 東東的火鍋系列,這個韓國的 CJ 雜菜豬肉餃上次在首爾旅行時也有在當地超市見過,另外也吃過當地某名店的餃子,韓式餃子其實跟我們平常吃的分別也不大,是皮會比較厚一點。看過其他人的網誌推介這個 CJ,不過個人來說覺得跟灣仔碼頭的其實差不多,就是一般急凍餃子的味道,皮薄的。價錢勁廉宜,HKD$17.9/250g,足夠我分兩餐吃,購自大昌。


這種叫 Potong 的新加坡冰棒最近好像很流行?看過不少的網誌都有談及。可能是因為好多人讚,有點期望所以就有點失望,個人來說就覺得味道極普通,好重椰奶的味道,都是購自大昌,HKD$21.9/6支 (7-11 價錢為 HKD$4@),品牌是 King's,說是當地銷量第一云云。


小吃多滋味,一邊吃一邊看《Watchmen (港譯:保衛奇俠)》的 DVD,電影超讚,Dr. Manhattan 和 Rorschach 好有型。


下午自己逛街, 在 franc franc 買了這個 Yamazaki 「d'oreille」玫瑰飾物掛架,好女性化!好像是 HKD$140 左右,可自行調較高度。


花了點時間收拾好,把最常用的都掛出來。

6 則留言:

Suki Leung 說...

Potong有玉米味~
好多玉米粒~
唔知你arm 唔arm呢?
好好味喎~之同知唔知明治定邊鬼個出個隻玉米棒(又係雪糕類)有得比~

sahdcooks 說...

Sounds like a nice relaxing day. Sometimes I wish I could spend more time by myself...

素顏天使™ 說...

Suki Leung > 咁我鐘意食紅豆雪條嘛, hee hee~ ok 我去 7-11 買埋其他味試試先.

sahdcooks > 我不知幾想過有戀人之星期六~ 嗚~~~ :,(

F君 說...

又岩又係食餃? 尋日見華潤有隻五豐行自家出,品牌唔記得係咩的急凍餃,19蚊左右800g,有幾款餡的,不過隻餃本身係好北方,厚皮果隻。

素顏天使™ 說...

F君 > 其實華潤間唔時都有好o野執, 我屋企附近都有一間.

flora 說...

個掛架好靚呀
不過多倫多呢邊應該難揾d
唔知上網買唔買到呢...