自己做.涼拌皮蛋豆腐 + 煎雞蛋撈飯


悠長假期中,(又)自己做晚餐。


下午在上環辦點事,順道去了我最愛的順興行買松花溏心皮蛋 (HKD$14/4隻),他們的皮蛋我敢說是全港最靚,有傳鏞記也是在此取貨。


心裡一邊想著要去有食緣買可以生吃的日本雞蛋,可惜售罄 (意大利那款生吃不能)。但胃口已開,死不罷休的我就去了吉之島超市買了這個長崎日和の卵 (HKD$18.9/6隻),蛋黃照樣生吃,但我是先把它煎了,安全也很重要。


先做飯,最近做飯都愛加上燕麥片 (一般超市有售,桂格的包裝燕麥飯,當然米是不包括在內),多點纖維,食味層次也豐富了,我個人來說相當喜歡。雞蛋先置室溫解凍,嫩荵切幼粒。白飯置小碗再倒扣在深碗之中,放煎蛋,澆一圈的台灣醬油膏 (我用的是最普通的「味全」,購自 APITA),愛其質感濃稠,少鹹偏甜味,可掛在蛋白之上。最後撒上荵花便成。吃的時候我愛把蛋黃刺穿,任由金黃的蛋黃流得滿碗都是,蛋白焦脆,在熱騰騰的白飯中央挖個窟窿,把荵花都往裡頭堆,是天上美味。


涼拌皮蛋豆腐,豆腐在吉之島超市買的豆兆庵絹豆腐 (特價 HKD$14.4),質感極滑溜惜豆味不夠濃。皮蛋上文寫了,有說順興行的皮蛋阿婆出名「串」,不過我本人買過多次,阿婆只是少說話矣。用京式做法,豆腐水倒掉,皮蛋切粒置豆腐面,澆以麻油,撒上即磨的海鹽,鹽粒可把豆味帶出,比用醬油更佳,調味隨自己喜愛。最後撒點炒過的白芝麻粒,大功告成。

如果自己吃飯的話盡量少吃肉,冰箱有西生菜兩棵 (HKD$8/3棵),洗好灼了,加上蠔油;逛街市見有極靚美國車厘子,才 HKD$25/磅,做飯後果;雖無肉無魚可啖,但對我來說已是極豐富的一頓晚飯。


在 HMV 買下我極愛的《extras》DVD box-set,減價中,九折後 HKD$337,有 deleted scenes 有 behind the scenes,無論翻睇多少次都仍是笑個不停。

一個人,做盡自己最喜歡的事,吃自己喜歡吃的,為之疏肝也。

10 則留言:

KLY 說...

隻蛋煎得好靚呀!!我剩係識拾糖心蛋ja....

KennyT 說...

入得廚房出得廳堂, 哇! 好賢淑呀! ^^

素顏天使™ 說...

KLY > 我都鐘意食溏心蛋~^^

KennyT > 煎隻蛋 je, 又有幾賢淑先, 玩o野呀o靚仔?

Man 說...

煎蛋同皮蛋我都好鐘意食..流口水呀..細個唔夠 食送 食阿媽就開鑊煎隻反蛋, 人間美味! 可惜而家屋企無明火煮食, 要番阿媽度先再有得食喇...

Shanghai Bunny 說...

nice egg! and i will need to rewatach Extras. loved it!

匿名 說...

嘩,果碗煎蛋飯真係好靚。
仲有想問你呢... 你買咩蛋架? 我買親d蛋都無蛋味,好似假咁~

Ting

Chloe 說...

隻蛋煎時係咪用圓形煎蛋器具ga?好圓.雖然係簡單,不過可以令簡單野都睇落咁美味咁有心思都唔簡單.

素顏天使™ 說...

Man > 無明火? 電爐+平底鑊都煎到蛋架~

Shanghai Bunny > 《extras》真係好好睇, 的對白賤到無人有, kakaka~

Ting > 平時熟食用普通雞蛋 (超市貴少少果的國產蛋), 生食買日本蛋.

Chloe > 無呀, 用筷子撥o架之嘛. 圓型果個圈圈會痴住o的蛋白, 一o的都唔好用.

Chloe 說...

yee,click入個順興行先知原來就o係我公司隔離...成日見到好多人排住隊,原來係賣皮蛋.正呀.

Man 說...

素顏: 係呀, 咪得一個美的電爐咁大吧lor. 我鐘意食阿媽0個d 火農邊反蛋呀嘛, 咬落去脆脆地..諗起都想食呀 >_<