------------------------
星期五晚o既生日飯，可謂史上玩得最唔開心生日飯。
‧我生日，要我自己打電話，send MSN，book位，再打電話 double-confirm o的友仔，平時做下阿四，勞心勞力，fine，有咩所謂。但係今次輪到自己生日都要咁樣，問心，我係有嬲。
重申，我平日+工作時間無你o地想像中咁得閒囉。忙，唔係 excuse，請學會 time management。
‧鄙人準時到達地鐵站 pick up 我o的朋友，全部人都遲到，我呆等o左15分鐘只得 F小姐 同 B小姐 到達，臨閃比老細捉住，OK，原諒-able。最離譜係之前提過果位做o左傳銷藍鑽石經理 X小姐，我打埋電話去，先話唔o黎食飯 (如果我唔打，相信佢都唔會打o黎)，DL (唔係download)，我訂晒o野食呀大佬。
‧礙於 X小姐 工作關係，再加上佢最近十分積極叫一班朋友去果o的乜叉講座，已經實在係無咩好講，悶棍到爆，我有預感，呢班朋友 gathering 將會好快因為咁散晒，可惜。不過係 X小姐 自己 手羅 o黎。
X小姐 見我有個匯豐 online banking 蟑螂型鎖匙扣，即刻問我有無買股票，我死都話無啦。你真係當我傻。
‧K 先生放飛機甩底。
‧已經廢事要你班人諗送咩比我 (新屋入伙+生日禮物)，折現。都可以唔記得比。雖然 F小姐 話會事後入返 (well，都係要我特登打去提)，but that's already different。我認我唔開心，唔係禮物o既問題，係有無心o既問題。
結論係，以後乜 L function 都唔 L 做搞手，講完。
------------------------
飯局設於則魚涌炳記，我揀的，因為近屋企，早年食過一次，印像麻麻，不過又要近屋企又要比較有特色同好食，都真係 no choice。
早一日預訂o左糯米雞，同埋杏汁白肺湯。電話入面個女人態度奇差。但係去到食 so far 又唔係咁壞。環境係類似排檔，但係係有瓦遮頭有冷氣版本囉。無 menu，點菜睇牆上面o的紙牌。
杏汁白菜紅蘿蔔白肺湯，唔掂，第一，太鹹，第二，完全無杏香，第三，杏仁有無磨過？？？？相入面都見到有一粒粒杏仁啦，啃到喉嚨。
燒汁鱔球，今次幾好味，上次o黎食洗得唔乾淨，一浸潺味，今次就好得好惹味，十分之好下飯o既一味菜。不過呢碟o野你都咪話，幾貴，要成 $75。
蒜蓉炒油墨菜，有鑊氣，都幾好。
主角糯米雞，其實係糯米釀雞，未切就係咁o既樣。訂左o黎度都 MUST 要等 40 mins+，留意。
切開o左，隻碟大得十分誇張，糯米飯索晒雞汁，好味，雞皮脆肉嫩，又係掂。做法係將(生)糯米釀入雞入面再吊起用滾油淋足 40mins，諗都覺得支力，完全係食功夫，所以，唔平o架，$240。我地 3 女 1 男都食得晒，好飽。
再加 3 支可樂，有 coke light 供應。
埋單 $4XX，多謝比較有心o既 F小姐，B小姐 同 E 先生。
------------------------
之後 house-warming(......其實我入o左伙已經3個月)，忙到嘔，都去買o左 Teresa Festival 曲奇 (assorted cookies, $45) 比呢班粉腸，早知求 L 其買 $3 包嘉頓時時食得啦！
仲有 parma ham with melon，留返o的 parma ham 比隻貓食好過。parma ham 係逐塊滅走o左o的肥膏，再手撕做一口 size。
另外有笑牛牌 party cheese cube，一支紅酒，同埋陳弈迅《Get A Life concert》DVD。
本來我十分之 enjoy 招呼朋友o黎玩，應該咁講，係招呼呢班朋友，不過以後我諗要諗下先囉。
------------------------
炳記
地址：側魚涌英皇道911號地下
電話：2561 4351
菜式：順德 + 廣東菜
負責攪function, 甚至約食飯，都係好L氣頂的事。我曾經都做過呢類角色，但試過幾次類似上面o既例子之後，以後咪攪。大家都係想開開心心，冇需要因為自己係俾邀請果個就扮大爺，大家都係咁高咁大遮。
能者多勞.
咪咁勞氣, 會唔靚~
生日開心 d 啦.
唔好唔開心,朋友既野,岩傾岩feel就ok啦,如果識落都唔開心,keep住做咩喎,識朋友都想開心姐,係咪?
預祝你生日快樂先
朋友 > 最憎係, 一約, 就要就的鐵腳, 如果佢一個唔得閒, 就要全世界就佢改期改地點改時間. 所以近年我都唔 Q 理咁多.
另外一樣憎就係 send email 唔覆. 要逐個打電話. 麻 X 煩.
tracy > 我無咩o野, 呻下o者, 多謝關心.
李小龍私生女 > 咁又唔係咁講. 我年紀大(心境), 能夠真係交到心傾到計o既朋友唔多, 你可能未明. 珍惜係好緊要. 識朋友唔係淨係為開心o既. 另外, thank you.
唉....有無同你講過我生日單嘢!都係勞氣過後先知原來個個話唔o黎係因為想比surprise我! 所以無嘢! 但係另外一班friend同我慶祝belate竟然叫我自己買蛋糕! 彩佢都傻,大不了唔食囉唔砌! 哼!
我識o左班小學同學都係一樣仆街到無人有。最终比我out o左!由細玩到大都係咁話.....
總之,唔好為呢o的二打六唔開心,自己生日嘛!
生日快樂啦!^_~
我又係今個月生日喎~~不過我過左la~~hahaa~~
我講我生日其中一單野你知...我d朋友話打算去ocean park順便同我慶祝埋,但所有野都要自己一手包辦,仲要叫我同佢地撲4張半價飛,之後仲要有人甩底~真係激死我啦~~我同我媽媽講返呢件事,佢話「乜你d朋友咁衰ga~不過唔好嬲啦阿女,咁先特顯到你比佢地好嘛~」
其實我一向冇慶祝生日的習慣,講真如果搞到都好似今次咁...都咪話唔麻煩哩^^|||
不過我一樣會好感謝人地對自己既祝福,我覺得生日係一個新的開始,我每年生日都會睇返自己過去一年做過d咩,人大左一歲亦應該要有進步先0岩~
我都(預/補)祝你生日快樂啦~~希望你新既一年有精彩又幸福的生活!
shogunb > 咁個個唔o黎之後有無o黎到? 我果o的咁o既朋友, 話個個o黎之後唔o黎,仆街十倍啦~
sayumi > 都補祝你 Happy Birthday 啦咁樣. 你o的朋友都真係好衰格.
多謝兩位~ :)
大部份都有show up! ^_^
發佈留言