這家潮興魚蛋粉據說是從灣仔(又或是筲箕灣東大街呢??)做起的，以日售三百斤鮮製魚蛋馳名，牆上有不少的剪報，還有亞視食神(?)黃麗梅來訪呢！鰂魚涌的這家店則是新近開的分店，說起來這店也有夠背運。我記得它該是早兩個月就開了，怎料才開不了幾天，竟惹來祝融光顧，得停業大半個月從新裝修(聽說好像是電線短路問題引起的)。還好這店是那種半連瑣式的店，如果是小本經營的可就慘了。
我們是大概晚上 10.30pm 去光顧的，人客也不少。店不大，桌子排得密密的。這也難怪，在太古坊附近的店子全都是這樣的啦。話分兩頭，整個鰂魚涌真的連家較為像樣的粉麵店都沒有，附近的那幾家賣的都很不堪。
首先我點了一客四寶米，固然是為了嚐一下他有名的魚蛋。可惜，魚蛋質感很鬆散，用電影《食神》裡面的對白就是「鬆泡泡一夾就散」那種，就是隨便一個街市的隨便一個凍肉店賣的都比這更好吃。另外的材料有貢丸、墨魚丸、魚皮餃，有一塊頗特別的是做成長方形的豬肉丸，這幾個東西都普通得很，較為可取的有那個湯底，我喝了幾口覺得不錯，看 menu 才知道是甚麼鯊魚骨響螺頭煮的，味精算是下得少啦。
男友點的其實不是牛雜米粉，是牛雜麵。為何這個碗裡面會掛著幾條米粉呢？嘿嘿~ 也不知算好彩還是不，我們看到煮麵的那個大哥，把我們的米粉和麵先調亂了。當他發現了，又立即從碗裡面滔出牛雜。所以我的四寶米不加腩汁都有牛雜的味道，囧。至於牛雜的水準則普普通通，不過不失啦。
另外加了一碟蠔油生菜(+HKD$5)，賣相慘不忍睹，沒拍照。買單 HKD$47，不設加一。
如果以這種質素的店也值得去採訪，還可以做到有名氣的話......怪不得連黃麗梅都可以做食神了！
-----------------
潮興魚蛋粉麵
地址：鰂魚涌英皇道 985 號 (近太古坊萬寧)
電話：TBC
菜式：港式
支持宵夜推介！XDD
After concert 10pm 後成日都諗爆頭，唔知去邊食好，謝謝~
係985號呀
見到門口條魚條跟隔離芝肉檔條肥肉只係毫差
我一定唔會入去食
d 麵鋪, 好多舊屋村家庭式既鋪頭仔仲好食過果 d 好似好出名, 即係會見到有位歐吉桑坐係門口包餃子, 有條麻甩佬係廚房洗緊牛什果 d, 仲平一半有多.
不過已經買少見少啦, 德福樓下牛頭角下村有幾間都做左二十幾年, 真係睇住我大.
sometimes i really wonder why they open restaurant and never use their heart to prepare food, how will the customer come again?
i always respect those that cook with no short cut... hope their business always be great, and bring more friends to support... ^ - ^
這家店的特色是魚面
我覺得湯底偏鹹
飯後回到公司要喝3大杯水~~
jericho > 乜你住鰂魚涌架咩又係???
lulu > thank you.
宇宙人 > 係呀, 好多唔出名的比出名的做得好得多. 之前寫過西營盤新三興就係一個好例子, 我超掛住佢地個魚皮餃.
hoyoyi > 求其賺左你的人貪新鮮想食的第一水的錢就算囉, 呢個情況響我返工果個 area 好普遍, 就算賣垃圾 lunch hour 都要排長龍去食架.
吳瑾 > 我覺得 OK. 食完水無乜點飲都無頭痛.
> 乜你住鰂魚涌架咩又係?
唔係，好食既會記低去試下~
如果食紛麵，小學對面有間叫新記D切脯幾好食O架
KEN巴克 > 開左半年度果間?? 嘩唔得, 仲難食過呢間潮興, 我有一日 lunch time 去過.
我以前去過灣仔太源街果間食過好幾次﹐好似次次都係食牛肉餅粗麵, 我覺得好好味﹐其他就沒試過LU。。。
GiGi > 你講果間係「潮苑」唔係呢間「潮興」, 潮苑做的手打牛肉餅確係做得幾好食的. 正確地址係春園街唔係太源街呀.
WAKAKA。。。SOR﹗SOR﹗SOR﹗
呢間佢係好生意得滯~比人燒架~ 同埋唔係連鎖~ 不過只係有d股東相同~ d野食都係佢地d鄉里自己互相傳授~ 水準有時可能都有d分別~ 始終係手打既, 功力會有d唔同。
so far都幾好食~
發佈留言