《I Now Pronounce You Chuck & Larry》+《心中有鬼》

不是影評的短文兩則。


I Now Pronounce You Chuck & Larry (港譯:迫上斷背山)》在戲院看了 trailer 之後以經很想看,星期六扭了男友陪我去看,笑笑笑一輪之後,得著就沒有啦,倒是寫友情寫得幾感人。就是喜劇也沒有刻意醜化 /sissy化了同志們也是一個電影史上的進步,香港的電影每說到基佬就是一味的 sissy 化,其實我認識的基友們倒沒有幾個是如此「姐兒化」出面的。一向對 Adam Sandler 無甚感覺,但他於本片演得不錯。

************


香港好像沒有正式上畫的《心中有鬼》,牌頭其實不差。

有黎明有奶茶(劉若英)有范冰冰。不過我買了 DVD 之後一直擱了好幾個月,連香港都出了港版的 VCD 才去看。

故事很簡單,兩女一男人鬼戀,就這樣。如果你當本片為恐怖驚慄片來看你會失望到不得了,當愛情片的話就......還可以啦。片中充斥著大量 CG,效果嘛................得啖笑居多,我零願劇組把這些時間花在雕琢劇本身上會更好吧!


嗯,電影很有黎氏電影的特質 (雖然黎老板於本片只是演員),就是一味的靚靚靚,然後就沒有然後了。譬如這個浴缸,超靚,我勁恨要囉!

另外這個不關事,早幾天在書店翻了翻王貽興的新書《關於愛情》,他於書的開首寫了兩篇關於劉若英的文,說道劉是那種女性才會喜歡的女生,大部分男人對她都無甚麼 fantasy,這一點我都頗認同。

至少我聽過我的男性友人喜歡陳法拉喜歡廖碧兒喜歡徐淑敏,但我就完全無聽過有男人喜歡劉若英了。

12 則留言:

小坤 說...

我唔認同!

我是非常非常鍾意劉若英o既!

我喜歡她唔係因為我係sissy, 我真人都好鹹濕o下.

Anyway, 劉若英係果種你唔會覺得好索o既女人, 但就好有味道同氣質...可以做人世

陳法拉...well, 同佢大戰完之後應該無乜話題講囉 (發夢中)

素顏天使™ 說...

小坤 > o拿,你都識講,可以做人世同有 fantasy 係兩樣o野。劉若英可以做老婆,但出面會收埋兩件陳法拉徐淑敏要o黎訓咁囉。

小坤 說...

如果我可以有劉若英做我老婆, 再加出面有陳法拉同徐淑敏咁都可以話死而無憾! (又發夢)

宇宙人 說...

一講女人麻甩佬現形 (||゚∀゚)

陳法拉徐淑敏呢 d, 一味得個姣字, 望兩望都開始厭啦

陸詩韻先係架嘛

劉若英就係

咁如果劉若英手感好 d 好砌 d, 我專一都得o既~

Sharon 說...

因為香港d男人無內涵丫ma......=_=

小坤 說...

陸詩韻! 噢! 我都覺佢幾索!

至於香港男人無內涵o既問題..."隔離飯香"姐!

唔通一個做裝修o既鬼佬都有特別內涵D?

就算俾妳找到又點? 妳自已又有冇內涵先! :P

素顏天使™ 說...

小坤 > 陸詩韻身材好呀, 樣.......唔得喎.

其實鐘意邊個女星同有無內涵無關我覺得呢樣野, 只不過係 sexually oriented / 口味問題, 唔通李敖鐘意莫文蔚而你又覺得莫文蔚唔 O 的時候就等於李敖無內涵? 唔會o架嘛~

o拿, 我議事論事, 無話幫邊個.

btw, 各位罵戰還罵戰但唔好人身攻擊. 再有同樣情況發生我會 delete comment.

Frankiewoo2001 說...

我都唔同意,我都好鍾意奶茶,成日覺得阿法拉呀,淑敏呀果D唔係屬於我呢D星斗市民架,同埋可能你剛剛同佢一齊會好開心,但耐左你就冇安全感架勒!奶茶呢類會好D,至少你會覺得同佢可以好好咁溝通,係一個好好既伴侶。(查實陸詩韻係邊個呢?)

小坤 說...

唔好意思, 可能我講得唔係咁好, 我無意思人身—攻擊.

我諗係近來太多對港男/港女o既批評令到我有D反感o掛.

香港人真係咁差咩?

素顏天使™ 說...

Frankiewoo2001 > 呢個係陸詩韻.

素顏天使™ 說...

Frankiewoo2001 > "同埋可能你剛剛同佢一齊會好開心,但耐左你就冇安全感架勒".......嗯,你都諗得好遙遠.

Frankiewoo2001 說...

唔......咁我係比較白痴既!:-)