關於中學生活

因為發現了原來七十跟我是同門的學姐妹,說起中學時代的事,也來寫幾句。

我不特別享受做一個透明人,但我可以大膽講句,我在我的中學的時代的確是一個透明人來的。

七十說老師們都有心,老師不會忘記我。嗯,我也確信老師們是很有心的,除了對我之外。將心比心,你要記得那四十個老師很容易,但要老師記著每年的那六百個學生是個天荒夜談嘛。該怎麼說,因為我不是那種壞到要被踢出校的學生,也不是乖巧會替學校辦活動的那種人。基本上那時候的心態跟上班也差不多,返學放學又一DAY,得過且過。成績不特別好,也不特別差,不漂亮不太醜,不肥不瘦不高不矮,也無一技之長,甚麼都是中規中矩,就是那種面目模糊的人。

我沒有宗教信仰,雖然連中學的話一共是讀了十一年的天主教學校,但是不信就是不信,就是這樣。我不抗拒,只是不信。所有的宗教活動對我來說只是,「幾好喎,有得放早」。

而且大部分時間我也是個獨行俠,小息/午飯/放課後都跑到圖書館,當然看的不是課本,而是一本又一本的衛斯理和村上春樹 (雖然我那麼愛泡圖書館,但我也沒有跟管理圖書館的老師熟起來)。有談得來的同學,但沒有交成特別要好的朋友,更莫說是會特別疼我的老師了。課外活動也有參加,嗯,有一陣子是 Art Club 的成員 (都是獨立的活動),中三以前也是合唱團的,不過唱的卻是最不突出的女低音 (Alto),後來想離團,老師也沒怎樣留我。

雖然我是打從心底裡實在喜歡我的母校,主要是那種有亦舒小說中所描寫的那種女校味道,還有那個獨特的地理位置,少不得那個連蛋撻都有得賣的小食部,但是至畢業以來,這十年(!)都沒有再回去過。不是說那時候不快樂,但老實說也沒有特別快樂過,而且回去也沒意義嘛,反正就算還在學的時候都無人記得我。我討厭那種假惺惺的問好,會說出「得閒飲茶」的人,除非他是賣保險的,否則這一生人都不會真的找你去飲茶。

呀,還有一點就是,我現在真心要好的朋友,只有在 L.A. 的 M 小姐一個是中學時代認識的。跟所有人都保持距離,也是自我保護的一種。

如果在《二十世紀少年》裡面,我可能就是因為最不起眼,然後賢知怎樣也想不起來的同學吧!

17 則留言:

七十樓危危下望 說...

你家下起眼就得啦

老實說我是好佩服你寫網誌寫到護膚品牌pr會邀請你試sample餐廳會叫你去試食
呢個除左勤力寫,都仲要有感受色香味美的天份同埋對事物的熱誠
拿寫食評來做例子
你對食物的評語不止於好唔好味
你還會提及味道的層次
我覺得這是因為你也享受烹飪的緣故
而你享受烹飪
可能因為你愛創作

我有時覺得學校的土壤幾特別
每一屆都有為數不少頗具藝術氣質的同學
你果屆同我果屆同你對落一屆有好幾位同學入了apa
她們湊在一起便是一個舞台表演的班子

我是常常來看你這個blog的
不過不太有動力和你「混熟」
可能我怕我自己畢竟比你大,你會覺得我老氣呀

我對校學有強烈的歸屬感
所以知道同門活得好好的便會覺得開心

所以我好開心

Mademoiselle 素顏天使™ 說...

七十 > 說到烹飪,中學的時代不是有 cookery 的嗎?其實我很喜歡那個 F.1 教我 cookery 的老師的,氣質很高貴,常常穿合身的米色套裝,很有那種後大英殖民地感覺,她的名字也湊巧跟我一樣,特別一提是因為好像名字一樣可以跟她沾沾光。她教曉我做 custard。

後來 F.2-F.3 來教的那個,整個人就是活脫脫的一個屋村師奶,兼且教得好差。同學「請槍」叫阿媽預備材料,她都看不出來。

我那一屆有個女孩子後來做了 Model,現在有時候在電視上也看到她的,你知我的同學是怎麼說她的嘛,說她醜說她不知量力這樣那樣。可笑是說這些話的人現在仍然是一潭混水而且唔靚。

所以我現在生活得好 (不敢說是甚麼成功/成就),更加不想給 credit 那些曾經看輕/忽視我的人。如果我 going back,準會是看到那種很訝異的表情。那是一種我很討厭的表情。

七十樓危危下望 說...

我都鐘意佢
佢成日話「好粗魯呀你切得」--係佢令我醒悟細緻刀功對食物的影響

你果個model同學
我細妹都知(我細妹好似同你同屆)
其實我地學校屆屆都有做model/talent的同學的嘿嘿嘿

中學只是我地人生的一小段過程
當然呢個過程係重要的
因為歲月流金
而我覺得無論一個階段fruitful唔fruitful都好
都係有意義的
特別係對女生來說
如果打算生兒育女
自己唔fruitful的日子絕對可以有助反省人生
並向教育自己的兒女時派上用場

我妹妹在olr時常被某些老師針對
她現在說起來還是很氣的
所以我亦不會覺得olr所有人事物都鑲了金邊

>同學「請槍」叫阿媽預備材料,她都看不出來。
哈哈哈
丫記得啦高貴的果個叫mrs ip
我有幸,三年都係佢教
除左佢有個教數及IS的mrs lo (or law?) 亦氣質高貴,品味優雅
她們可能都不是大學畢業
但很多現在大學畢業的教師都沒有那份氣質
教女校的老師
應該像mrs ip or mrs lo 一樣
有女人味,有點高不可攀,簡靜而優雅,但又有料到

你說得對,那是亦舒筆下的女校

Mademoiselle 素顏天使™ 說...

七十 > 對對對,Mrs. Patricia Yip,好像是她之後離職了。

嘩好驚,我會不會識得你個妹?

至於被老師針對,嗯,好像也沒有。呀除了教西史那個 Mr. Law(?),剪了一個「椰殼頭」齊蔭戴眼鏡的。不過因為是我有不對在先,我上他的課就一定會大剌剌的睡,睡到會流口水那種,所以他針對我,也是很正常。

呀,另外有個教「作假」(Geography) 的 Miss 也是很漂亮的氣質型老師,不過只教了我一年就嫁人去,Quit 左份工。

之後漂亮的女教師不是沒有 (譬如教英文的 Miss Ma 還有教中文的 Ms. Lee),只是比較 down-to-earth 咁囉。

七十樓危危下望 說...

大眼li係我既朋友
keep到依家
我上一任男友 turn out 係佢親戚!

mr. law 堂我都係訓到流口水的
不過他對我都幾好

流口水<---有次exam我早左做完,於是訓,交guen驚醒才發現自己流口水流到成張guen都係
不過冇時間乾所以只有照交 XDDDDDDDDDD

form six 我一訓就會有人用rubber 掟我 XDDDD

哈哈
我細妹個名係疊字
嘩好鬼驚呀

Mademoiselle 素顏天使™ 說...

七十 > 我對於大眼 Ms. Li 的非教學類印像只有她自稱當年跟孫耀威參加同一屆歌唱比賽囉。咁佢仲有無響 OLR 教?我地學校o的老師好勁,個個一教就起碼十年先走。

如果係你個姓(S)又疊字名的女仔.....真係醒唔起,可能五年都無同過班,哈哈哈。返屋企check下校刊先,嘩哈哈。

喂我o岩o岩上過學校個 website 睇,今屆o黎o左個鬼佬教,仲要個樣都好 O 下o架喎!靚仔過 Mr. Louie。

七十樓危危下望 說...

Mr. Louie邊靚仔呀咪玩啦好冇
佢A字窄膊的
最討厭男人生成咁
佢為學校帶來了兩段冤YIP你又知唔知?

MISS LI仲向到教
不過我知道學校的氛圍已經改變了很多
有個FORM SIX 同我講家下學校會為左拔尖而游說成績好的同學選SA的

Mademoiselle 素顏天使™ 說...

七十 > 都唔係丫,當年好 O o架喎,你要明白當時全校都無一個後生的男教師,稍為有一個後生仲要幾好樣的就瘋摩萬千少女o架啦~

孽緣真係唔知喎!快o的八o黎聽下,溝 Miss 定學生呀喂?

其實你又唔怪得學校係咁,因為其他學校都係咁,但係我唔明點解睇到選 SA 係「籮」咁大的一回事。妖,SA 堆人咪一日都黑呢埋響 G/F 果個「角落頭」房仔度 hea,開果o的開足一日但唔知傾咩o既會囉。

Nana 說...

噢~~素顏~~
我跟你很相似,我也是那種成績不算很好也不差,不算太顯眼那種...
我有算熟的同學但不太跟她們經常待在一起...
或者這種生活一定畢生難忘吧~

七十樓危危下望 說...

喂拿真係呢
嘿!
兩個蜜斯一條蛇呀(寫左出黎先覺得好似淫淫地)
有機會見面但因為我老而同你相對無言先講俾你聽!(得我大你兩三年)

老師們基本上都ok鍾意我 (<--答另外果篇,唉我今日狂睇你d舊文呀)
不過我係會走堂的學生!(例如去圖書館瞓覺啦特登告假三堂啦生日去又一村些粉傍的快餐店食完早餐先返啦咁)

咁你仲記唔記得song book D 歌呀?
學校向我地走左之後 (i.e.99/00)出左新版 song book
多左好多歌
我買左好多本
家下有時會自己唱下d歌
pass it on 就最有助開聲喇對我黎講

Mademoiselle 素顏天使™ 說...

NaNa > 都是回憶啦.

七十 > 嘩係新o既 Miss 定舊底果的呀? 但係我聽聞 Louie sir 係已婚架喎!! 咁最後點呀?

咁呢方面我"乖"過你, 我係從來都無試過走堂架, 不過我諗你 F.6-F.7 果時自由度大的易的走啦~

Song Book 記得啦梗係, 校歌我仲鬼拍後尾枕都識背, 不過其實我最記得教 music 果位個頭成日搖搖下的 Mrs.咩 (唔記得性咩), 佢好有譚玉瑛 feel, 應該都係食左防腐劑, 完全唔識老.

Miss Wong 說...

Mademoiselle 素顏天使™ 提到...
七十 > 說到烹飪,中學的時代不是有 cookery 的嗎?其實我很喜歡那個 F.1 教我 cookery 的老師的,氣質很高貴,常常穿合身的米色套裝,很有那種後大英殖民地感覺......


佢的確好有貴氣,不過都好嚴,同埋髮型有d似鄧蓮如。

你講番以前,又令我諗起我低年班時曾經係art堂同needle work/home econ堂整古過你,唔知你仲記唔記得。個陣實在太冇分寸,完全冇諗過人地既感受,即使你宜家唔介意,我都想同你講番句對唔住。認真架:P

Mademoiselle 素顏天使™ 說...

Miss Wong > 你呢.....嗯, 講真, 你講果o的係咩事我已經完全無印像, 不過我亦唔想知. 就算有咩事都過o左去就算啦, 同埋你當年同果隻好肥的 A 小姐玩得好埋, 比佢影響o左都係understanding.

真嬲果幾個 (you know who), 我係嬲一世的. 我諗都唔係嬲, 係 more than 果個 level o既一種 fear, 我有時仲會發惡夢夢到果時o既o野, 跟住會喊醒.

anyway, 唔開心o野我不欲多提.講完.

Mademoiselle 素顏天使™ 說...

七十 > 你中文名簡寫係咪 S.L.A.?*o* 我對你個名有印像, 因為成日都響的早會聽到你個名, 但係我揾唔到你個妹呀~~

七十樓危危下望 說...

係呀我就係中英文名一樣果個

早會聽到我個名~嗯,應該會聽到我把聲多d喎

我個妹咁可能就係低你一級啦

>我有時仲會發惡夢夢到果時o既o野, 跟住會喊醒.
乖乖唔好喊
你試下同自己做一做思想工作
話比自己聽青春期好多少女會因為賀爾蒙失調而不能自己地做左d好影響人地既野
我唔係為d衰人開脫
而係咁樣諗,係可以比個出口比自己的情感!

Brenda 說...

it only takes a spake, to get a fire going... 呢首pass it on係好經典!!!

我都係讀女校,不過唔0係你地0個間. 我地有本hymn book,每朝morning assembly都要唱歌...

Brenda 說...

by the way,當年我同屆同學有六七個入左你地學校!!又有個中學同學依家教緊... 大纜都勉強扯得埋... 哈哈~

那個年代的女校女教師都英文流利,舉止優雅. 點似依家大學畢業著到成個0靚妹就去教A Level0架?!?!?!