赤,係「赤貧」果個赤,或者「赤到入肉」果個赤。

駕駛學院報名的時候買的那個 package 是個特惠廉價版 (還未計因為考了三次筆試(!)所付的額外費用,套餐價約 HKD$5000 餘),前前後後只有十五課的實習,當中校內和路面練習比例各約五十五十。

對於在學車之前一直以為自動波的波棍是會自動「郁」(!)的我來說,十五課實習就去考試,明顯不是為了我這種人而設的。


今早考車牌綜合試,路試和泊位皆不合格,整張微黃色的計分表都劃滿剔號,可以犯的錯犯了,不可以犯的都犯了。

我怕考試,怕的做了一夜惡夢,睡了又醒。


考試時間是早上 10:10am,要早 35 分鐘報到,怕自己不記得,schedule 內早寫著 9:30am,然後我忘了自己已經預多了時間,結果趕在 8:55am 就回去,好想睡。早到了太多,逼住在學校飯堂吃了一碗相當「頹」的餐蛋麵。

試車的時候一切都正常,打燈望左望右轉波落手制這些我全都記得;亦已經幸運地抽到號稱是「全港最容易」的沙田銀城線了,可考的時候就是緊張得死了,連轉左右都搞亂,唉。



好啦,現在要重考,好貴,所以我說我現在是赤貧戶。

私家車合併試補鐘 (共 9 節校內+校外實習),特價了也要 HKD$2920;
考試租車費,HKD$1060;
再買過運輸處的路票,HKD$510;
我的學牌到期,要續,HKD$540 (還得自己跑去運輸處,煩)。

共銀 HKD$5030!


好赤呀。好赤呀。好赤呀。好赤呀。好赤呀。好赤呀。好赤呀。

嗚~~
K先生 說...

考試租車費,HKD$1060;<---我考果陣HKD$500, 當然係好耐之前

祝妳下次成功pass啦!

365WatchStories 說...

sorry to hear that... need to do more freelance then :) In Germany it costs even more, about 2500 euros!

匿名 說...

搵個有車既男人可能容易d喎~~~

X

素顏天使 說...

X > 你搵個比我啦順便.

GαRrㄚ5+2 說...

「自動波的波棍是會自動「郁」」
LOL
OMG....
笑s我......
is tht a joke?
haha

by da way...
練多D再考過lor~
我呀媽練左N咁多個鐘都仲未去考得...
練多D熟左就無事ga啦~~~

匿名 說...

好貴呀!!
不過通常都要考2次先ok~ 加油啦~

不是公主 說...

我都諗住遲0的考車會係沙田考...

睇見你咁講我都係儲多0的錢先.....

KKdance 說...

一節大約幾耐? 哇真係好貴..一係你考試前叫個資深開車(4年+)朋友坐o係你旁邊陪你練車, 會唔會好d? (加拿大合法, 唔知香港得唔得)...唉我學車都係total 10個鐘ja 陰公就要去考..=__=

eu 說...

真係唔知香港考車牌咁貴!

聶秀康 說...

香港重有樣吾好就係成日要車牌續期,最長得十年成千銀,搵笨.英國好好多,學車無咁貴,又可給有牌朋友伴駕多實習就會鎮定.補考仲比多5k...我都「鄧」妳肉赤!
覺得妳係小實習所以臨場就會驚,加上妳太憂累就更緊張再食埋呢碗醜樣麵就「fat hard」啦!
下次操熟d再來過...

匿名 說...

細路女唔駛哷嘅, 當部車係舊大玩具咪得囉!
慢慢嚟唔好逼自己咁急, 女人對機器真係有啲鈍嘅!
當年我考嘅時候對自己講, 死就死大肶就大肶啦!得咗, 咁就過了關!
祝下次一鑊攪!

劏牛佬

匿名 說...

這種心情真的不好受,祝你下次順利考試成功!
加油!

自由行 說...

真係好貴呀!!! 你令我回想起當年考牌既緊張, 亞考官講乜都好似慢半拍(反應)!!
俾心機呀!! 祝考試順利!

匿名 說...

其實我也是在沙田駕駛學院考車牌的, 銀城線最易考, 又短又少大貨車, 轉個圈就返回學院了. 我一次過合格的, 不過付出的學費跟你一樣, 大約一萬吧, 即是說要在駕駛學院考得合格, 無論首次合格或補考合格, 付出都是差不多.

有少少心得想分享, 如果你真的太緊張又經常忘記步驟, 可以安排一堂在考試當天上, 實習後立即考試, 會好好多, 是我的教車老師教我這樣安排的.

MM

匿名 說...

赤係赤d,又煩。不過證明你重未ready,再練下都好,唔係第日hi親架車,好貴架。我學藝不精,hi過幾次,每次都好赤好煩。Good Luck!

sonrisa

爸爸不再 說...

雪~雪,大拿拿5K真係肉都痛~
素顏甭氣餒,下次一定得.告訴你,我考車次數一隻手都數吾晒,哈哈哈,最後都係沙田駕駛學院攪掂.
我最灰果次係俾考官踩"師父break"囉,吾洗考落去都知死緊...XD,個腦好似空白咁返試場.
樓上MM講得好啱,考之前補番一粒鐘真係吾慳得,第一,你可以知道考之前最貼嘅路面情況,譬如當時車流如何,路面有冇新工程等,師父又可以提醒你要注意甚麼.第二,你太早到,等得太耐,咪越等越驚囉.練完就考最正!
其實呢,我覺得駕駛學院出嗰啲特惠廉價版,係預咗人補考囉....

Unknown 說...

我考香港牌考左幾次,最後考到果次,要揾葯劑師開鎮靜劑食左先去。

匿名 說...

唔好考啦不如!!!:(

MISS MUI MUI 說...

你同我係同一命運
我都係喺呢間學
第一次考既都係銀城線
泊車同路試都肥咗
都係俾咗將近6千補考
果陣時真係好肉赤~~~~~~~

幸好我第二次考全部all pass
但係學車總共我已經用咗將近16k
我仲要係一個讀梗書既大學生
果吓真係..........

我果陣都係貪佢優惠報咗,
之後俾佢sell 到轉咗至尊課程
仲之間野好識sell 野~~~~
唉~~~
雖然而家係有車牌
但係奉勸想學車既朋友
要諗吓你想俾幾多錢出嚟學
個人嚟講搵一個私人教車師傅會平啲
始終學車跟一個師傅學會好啲

匿名 說...

我都係在沙田駕駛學院學緊車呀, 不過我打死都唔join甚麼至尊課程, 唔好話fail再考啦, 補堂都好貴, 要成$370一堂. 我朋友幫我問過李x駕駛學校, 如果係沙田駕駛學院學生, 5堂$900, 每堂45分鐘, 點計都平d. 我得15堂咋, 合格至怪啦! 所以打算考之前搵李x駕駛學校補番幾粒鐘, 好過fail左又要比多一筆錢考過. 參加駕駛學院的原因都係貪佢合格率高, 如果fail, 寧願搵私人師父教好過, 總之點都唔會比多一毫子佢賺, 因為佢地d服務不知所謂, 加上堂堂都勁sell人參加呢樣果樣, 好煩厭, 仲要講到你地班參加special package嘅客根本就沒有可能合格, 咁不如一早就唔好推出呢d搵笨package啦, 真係越講越"罄".... 如有考路試必勝心得, 請指教. 謝!

Kenneth CHU 說...

一樣,但第一次在真路面應考的,而且是手排呢。

Designed by OddThemes | Distributed by Gooyaabi Templates