素顏飯局之海鮮大會

承蒙數位友好光臨寒舍,於大年初三晚,舉行這個吹雞吹足幾個月才搞得成的「三娘教子」海鮮飯局。


上面那隻是加菲蟹,下面那隻是什麼呢?


翡翠螺

海鮮大會,全數海鮮購自炮台山小店金凱鮮庭 (相關舊文)。頂,但不知道跟新年有無關,兩隻蟹竟一滴蟹膏都無!HKD$248/隻,起碼回水回 HKD$100 啦!連我至愛的加菲蟹都是滴膏不沾,還好蟹肉鮮甜叫做食得下。也好在那兩打翡翠螺都叫做合格 (HKD$48/半打),唔係就年初三都要打個電話去赤佢個口。


梅乃宿桃子口味果酒

熱食方面,外電 Pizza Hut 四人套餐,同時加上是晚主角兩支白酒 + 一支紅酒 + 一支桃酒。桃酒由健健於 Sogo 購入,果然好喝。仲雪到冰凍才帶過來,夠晒 sweet sweet。飲飽食醉後,本人酒量淺,竟然在《珠光寶氣》時段,不顧形像在沙發上完全熟睡 (仲恰著左兩次!!囧),好在 C 小姐和健健都夠體諒。

特別鳴謝:

PY 小姐山長水遠,托來托去護送海鮮。仲送上日本巨型草莓兼窩心地搭埋煉奶乙支,都話你最細心啦,邊個娶著妳就有福氣!


敘利亞特產曲奇

健健帶敘利亞特產曲奇來拜年,開心果也是我飛佛,多謝你。


電子大富翁

無 C 小姐多次勞心勞力搞活動絕不能成事,兼送上日本高級生果,雖然勁無默契竟然又買了日本巨型草莓 (食了一盒,即是話我雪櫃仲有成三盒士多啤梨......)。不過那幾隻巨型日本蘋果好好吃,又甜又香的王林蘋果才是王道。連家中的電子大富翁都帶過來一齊玩,「一抽二lang」,燒炭......呀唔係,燒o野食都唔會帶咁多o野。


電影《求戀期》(1997)

題外話一則,無聊發現原來大家都曾經覺得 Dry 時期的雷頌德係 very OK (我真心覺得佢當年好得o架喎,唔好藐我)。本人仲即席找到雷生陳年舊作《求戀期》於聚會上放影,懷緬過去一番,原來部戲都有成十二年咯......

我家雪櫃現在塞滿生果,健康到爆,正好適合新春清理腸胃,多謝各位。


送上好歌一首作結尾,古巨基的《歡樂今宵》。

---------------------------

金凱鮮庭 Golden Pond
地址:北角麥連街寶榮大廈地下I舖
電話:2806 2660
菜式:港式 / 海鮮
卡臣 說...

《求戀期》中的歡樂今宵
是我那時期反覆聽的歌

素顏天使 說...

卡臣 > 《歡樂今宵》是一首好歌.

匿名 說...

《求戀期》VCD我都有呀,DRY1、DRY2兩隻CD都有,DRY2裡有隻歌《掟跑車落海》超正!周耀輝宜家好似好少填詞,以前盧巧音都有好多歌係佢填ga……

自由行 說...

嘩..好豐富呀!!
雷頌德..我都覺得ok 架(以前)! 而家就.....哈哈哈

Cherry 說...

補充: 上面那隻是加菲蟹,下面那隻加拿大蟹

駛乜鬼咁客氣呀?我有乜所謂wor住得咁近...快d再擇個良晨吉日再玩大富翁啦~
(好明顯係平時唔會有人陪我玩...)

匿名 說...

快d再擇個良晨吉日再玩大富翁啦< yes yes yes yes!!!

不是公主 說...

我當年都係雷頌德的粉絲之一...

聖誕去旅行個陣仲係機場見到佢......

Meling Lam 說...

麵包蟹,你自己都曾提過了 :)

雷頌德當年真係好得,我有幸在佢未變形前採訪及合照過。

素顏天使 說...

frau v > Dry disc 1 真係好聽, 馮德倫又靚仔到暈, 那時唱親 k 都唱 "紀念日".

自由行 > 我地 6pm 食到 11.30pm 都仲食緊, 飽到癲左.

Cherry > 其實隻蟹明明都係我揀但我都唔記得, 老人痴呆呀.....

puiyee > go go go go go! 你割禾青呀尋晚!

我不是公主 > 當年佢常著窄身短袖恤, 著好多 Gucci, 著得好睇....而家就......

apple > hee hee, 我老人痴呆. 佢當年係好型, 唔靚仔, 但型.

匿名 說...

敘利亞曲奇/糖果好唔好食架? 會唔會好甜呢?
sonrisa

聶秀康 說...

敘利亞曲奇果香正濃...有些過甜!但無花果就一流!

好開心的聚會啊!雷生的求戀期好睇,記得張笙悅的大眼嗎?那時倆位真係一新耳目.雷生現在巳兩孩之父了(其中一位是太太與前夫生的).有次在跑馬地見他陪太太買水果...真係住家好男人!

素顏天使 說...

sonrisa > 開心果+鳥巢造型那款好食, 其他的都比較甜.

聶秀康 > 張燊悅果陣好正, 我都有一期好喜歡佢. 雷頌德婚後乜火都無晒, 咁作為 producer 又唔係好事, 佢而家o的o野全部求穩陣全部 K 到爆.

聶秀康 說...

雷頌德婚後乜火都無晒, 咁作為 producer 又唔係好事, 佢而家o的o野全部求穩陣全部 K 到爆.

素素---同感!

雪山飛狐 說...

You always tempt me with all these yummy food pictures. Quite torturous when I am working and dinner is so far away. :)

袁健健 說...

第朝起身對是晚無幫手執野一直心中有慚,
搞到你間屋同積積真係唔好意思。

下次甜品做謝禮~

DOUBLECHIN™ 說...

雷仲德0個個年代未發福都ok...細個覺得佢有talent!

匿名 說...

那個甜品我食過呀~好好食... 但唔知香港邊度有得賣呀?

匿名 說...

電子版大富翁呀~~~
我恨搵人一齊玩恨左幾廿年了

Designed by OddThemes | Distributed by Gooyaabi Templates