Full of Hopes



本人因為一時之氣新開的博客Full of Hopes...Or Not (人間滿希望系列),開業不夠一星期,就累積了約 4,700 per page load 的瀏覽量,先在這裡多謝各位的支持。

而關於這個博客,這裡不嫌其煩的寫幾隻字作少許的 Q&A。

Q1: 開這個博客的目的是甚麼? 是要跟黎華的《只穿喜歡的》打對台嗎??
A1: 當然不是啦!只是純粹有感各位絕望的女生們 (譬如: 我),好像好久沒見到有性向是直的+外型四正的型男,是故就設立這個 blog,收集素人(?)型男靚仔的照片,好讓各位感到絕望的時候, click 入去望幾眼,又再次覺得人生原來是很美好的。

Q2: ......但你很明顯就是為了公器私用啦?!
A2: 我本人絕不排除這個可能性!可惜截至目前為止,幾位型男中只有一位身處美國的是單身,其餘的,均是名草有主的了,唉。

Q3: 那麼相中主角被刊出要有甚麼條件嗎?
A3: 唯一條件,就是要我覺得他是靚仔/型男 (但我承認我是頗為主觀的)。另外相中人必需是知情的,我不想有日收到電郵話照片被盜,敬請各投稿人自律。

Q4: 為甚麼不設立留言? 我好想讚下其中某位好靚仔喎!
A4: 我覺得呢,各位美男咁俾面肯放自己的照片出來給我放上博客,如果這樣都要遇上惡意留言和批評,又或者被比較留言多寡,那實在是對相中人很不公平了。

Q5: 但如果我好想認識相中人那怎麼辦呢?
A5: 除非相中人是 single 的,加上講明會接收這類的口訊,否則一律不予傳達。所以各位照片中人的女友/太太們,可放一千二百萬個心了。

Q6: 那麼你為甚麼更新得這樣慢呢?
A6: ......我都想快,但都要收到相先有得 update o架,唉。

又,其中 05 的 Onn 透過朋友 A 小姐向我表示,有一名話自己是任職於 model agency 的女子聯絡他問長問短,喂呢位小姐,唔該你溝仔還溝仔,但你溝仔的橋溝得好屎!Full of hopes 類面所有男生都知道自己的照片被我放了出來的,無花無假,亦唔係人人都會發明星夢o架囉!
揚眉女子 說...

無呀, 我想讚妳一句好堅! 搵到咁多靚仔.

卡臣 說...

連個天都唔鐘意我?
.
.
.
.

希望在明天嘛~~

DOUBLECHIN™ 說...

我最鐘意#3,5,6呀~ 呵呵

匿名 說...

oh~~~真係人間滿希望!
見多d靚仔個人都開心d~wha ka ka
請多搵新血~~

san

FlyingMinx 說...

嘩!你真係為人民服務

聶秀康 說...

工程浩瀚...加油!

自由行 說...

支持~支持~!!

Miss Paranoia 說...

素顏有沒有印象之前有個台灣的model選秀節目叫「決戰第一名」呢?Vic先生應該在其中啊,因為我當時看那個節目之時最喜歡的就是他~~~

JC 說...

d 相(仔) ...好好好ok 喎~~~

哈哈, 繼續呀....

Meling Lam 說...

你溝仔的橋好屎<--kakakaka

匿名 說...

我吃飽才去看一眼。好彩。

哈,我比較口衰。

素顏天使 說...

readandeat > 素人咁高質都有位比你口衰到? 我只可以話你要求好好好好好好高囉.

akira 說...

readandeat只愛老外吧!! 哈哈!!
其實真的很想知道素顏是經什麼途徑招募到型男們提供相片
大家也知道,有好些人跟靚仔沒緣份(例如我)……

Unknown 說...

人間沖滿希望!!

素顏天使 說...

AKIRA > 你都夠晒靚仔啦, 仲要靚仔? (連我個靚仔朋友都讚你靚仔呀)

不完美紳士 > 充*滿

宇宙人 說...

香港真係咁絕望嗎 ?

saintvenus 說...

絲打我有靚仔朋友但佢唔係全直 (即是少少bi傾向), send唔send得?

唔想淨係做花生友

素顏天使 說...

宇宙人 > 你 send 相比我我再答你絕唔絕

saintvenus > 好呀, 佢肯 post 我 ok, 最多唔提佢係 bi.

宇宙人 說...

哦~

除左 d 生活照, 仲有 d 玩 casting 既, 得唔得 XD

素顏天使 說...

宇宙人 > send 左先講, 傾偈無相無偈傾

匿名 說...

我路過想問下, 其實有冇人問你攞d男仔o既contact ga??

素顏天使 說...

匿名 > 我只會把想認識那些男生的人的 contact 轉交給個男仔,但唔會直接交個男仔的 contact 比那些人, 會唔會聯絡就比返個男仔自己揀.

匿名 說...

老實講,我細佬比以上這些型仔都要正,但佢英文渣, 過唔到你關+_+

素顏天使 說...

匿名 > 個 blog 擺靚仔, 同我無關丫, 又唔係我招親, send 張相來睇下好無? :)

Designed by OddThemes | Distributed by Gooyaabi Templates