誰才是真正寬頻?

我知香港寬頻方面的 PR 有找 blogger 作「置入性行銷」宣傳,不過以下這一篇,是「堅o野」,我真的轉了去香港寬頻。

(利益申報:可能我不夠紅啦,他們的 PR 完全沒有找過我呀o下~)

以香港寬頻為首的網絡商減價戰,作為平民客人,實在是坐享漁人之利,HKD$99/100M 光纖上網,可以說是以本傷人。和記 3 也緊隨其後,街上見到的那些「易拉架」sales 都立即轉了新的 banner,不過我本人極憎和記 3 (這又是另一個故事),誓死不用他們的服務。

我本來用的是 Netvigator 網上行,8M「寬」頻,一直用了有八年,是枚老客戶。原本的合約早於兩年前約滿,但我又懶,於是任其每月繳交 HKD$168 也沒打算理會。早兩個月前收到一個宣傳說是 on top 加 HKD$38 可以變做 30M,好像是 18 個月合約......我不知道他們的 marketing 是怎樣「度」出這些服務計劃來...... 當全世界都在減價,我看不到有理由要再加錢轉去原本就該屬於我的「真正」寬頻喎。

這兩個月,不知道各位 Netvigator 的用戶有否發覺晚間連線的速度比平常慢了許多,有如回歸 56K 般過份,甚至有「lag」的情形出現。一向用 Netvigator 只是貪其穩定性還有 CS 的服務態度好,現在連唯一的優點都沒有了。不過以上皆只為導火線,真正讓我「引爆」的,其實是他們提供的另一個「優惠」計劃。話說某天收到他們的另一個宣傳,說是可以免費升級至 30M,要簽合約 30 個月,sales 在電話旁邊還不停說什麼「好抵」云云......

&*^*Z@*(Y%^%!你當客人是傻瓜嗎?還是真的老襯?要是兩個月之前我簽了你們那個又是所謂「好抵」的優惠,我現在是不是要度住個心口來揼?碰巧香港寬頻推出新優惠,加上問過我家是有 100M 的覆蓋,也不作他想,立即轉台去。



香港寬頻「極速普及 人人喜動」 TVC (題外話,這次廣告本身 creative 相當麻麻地,那架跑車是所謂何事?)

簡單寫一下大概的收費給有興趣的人知道。

HKD$99 / 100 M x 24 個月約 + HKD$300 安裝費 + HKD$300 預繳 (第四期起分 4 期每期 HKD$99+$3 退還)

另外他們也提供本地網站八成速度保證,好過 Netvigator 多多聲,Netvigator 話就話 8M,我用了那麼多年,連 1 M 都無見過!(也不說那些龜速幾 kb 幾 kb 計的上傳,好彩「Nike 神」不用 Netvigator。) 你還要我相信他們那個 30M 真的有 30M 嗎?100M 光纖才是王道!

而且我頗喜歡香港寬頻的宣傳點子,(有點兒像傳銷) 舊有客戶介紹兩個新客戶的話(合約期內)就可以完全免費,所以在各大討論區都可以見到有「招上線」的帖子,而我的「上線」則是一位在高登隨便找來的巴打!

如果有哪位讀者又想轉 (最好是本身的寬頻公司合約已完) 去香港寬頻的話,歡迎找我作「上線」,電郵至 djpatricia@gmail.com 聯絡,多謝。

Netvigator 的所謂 8M 寬頻,真係快過 56k 少少o架咋。

香港寬頻比個「一折」我得返 11M,不過一折,都快過 Netvigator 10 倍。

為求公正,此為真人測試,週五晚 12am-1am 時段為網絡繁忙時間。我用 Speedtest.net 測試兩間寬頻公司的速度,o拿,Netvigator 你收我 $16X 一個月會否過份o左呢?

13 則留言:

Yip 說...

totally agreed "晚間連線的速度比平常慢了許多", 我屋企仲要慢個X.... 放工返屋企嗰D時間仲有時成晚都上唔到, DLS....
但佢D客戶服務仲賤, 好似之前有線噤, CUT唔到嫁.. 原來電話講係無用, 要自己去舖頭填FORM, 話十日內有人運我, 但只有所謂GE續約部打黎SALE我, 由208平到110都得... 但我問佢係咪安排上黎收机時, 佢話唔係佢地負責喎,頂頂頂丫... 真係一間不知所謂GE大公司... END UP 我都轉左香港寬頻

林 七月 說...

你是不是將MB (byte)跟Mb (bit)弄錯了?

dearwater 說...

我就唔係全部認同啦。我用開香港寬頻,未出100Mb廣告前,都仲好好地,正正常常。但一出左廣告,十次有九次都斷線,call極佢地搵人上黎整都唔鬼理我,仲要係岩岩五月先同佢續左新約...唉。

因為做野,所以屋企有多條士啤寬頻,呢條線係和記。但可惜,連和記都死埋...唉,真係禍不單行。最慘係我趕住用,又要check email,又要做research,趕緊稿嘛。最後頂佢唔順,走左去smartone出左隻流動上網手指先做到野呀。

到而家香港寬頻都重係call極都無人理,無電話無師傅上黎整。相反,和記嗰條,第二日已經有人上黎整,雖然而家都重未整好,但至少有人理,有電話到呀,今次和記真係好過香港寬頻喎。所以我覺得香港寬頻同和記都係差唔多喎,睇你嗰期好運定衰運呀,嬲爆!!

Ting 說...

但係… 用成點?
我始終對香港寬頻有點保留

素顏天使™ 說...

Yip > 我 netvigator 果邊未 cut 到架, 打去 CS 叫佢寄 form 比我, 咁佢真係即刻寄左比我, 我又即刻寄返比佢. 但係就未收到人覆我, 話 5 個 working days 之內喎。

林七月 > 謝謝指正,已改。

dearwater > 咁求神拜佛希望我係好運果渣啦......

Ting > 今日第一日 je, 其實呢弟的 peak hour load 平時的 page 係無咩分別,快 DDD 啦.

kAt 說...

“這兩個月,不知道各位 Netvigator 的用戶有否發覺晚間連線的速度比平常慢了許多,有如回歸 56K 般過份,甚至有「lag」的情形出現。“

我都覺,連youtube片(非HD)都要等成個字,打去CS又要打好X耐,又借頭借路CUT我線!

打完果日即刻快晒,朋友估係借頭借路收細個頻寬,打上去先放返出黎

岩岩用左你post既website,足秤3M,算係咁


p.s. 最可惜屋企只有PKKW揀,唔係飛起佢十世!

Yip 說...

佢唔會主動打黎幫你安排收機嫁, 但就係噤打黎SALE你囉... 填完十幾日后我打去HOTLINE追佢,佢話打咗幾次無人覆,我發咗顛噤小9佢屈我,佢就幫我即刻安排.但佢話係跟你份FORM填嗰日計一個月嗰日或之后先做,噤如果已經過咗交月費GE日子, 你咪要比多D囉. 真係痴9線嫁...做嘢勁底莊...

Alan 說...

私屋企無cover,轉唔到...
不過都轉左smart tone個$148 電話+7.2Mb

X

The Flying Bubbles 說...

hey, 你之前介紹的木佬燒烤似乎close左, 今日去連個招牌都拆左...只見到掛在牆上既餐牌, 仲一心諗住去食豬腳仔...

閃閃星小藍 說...

http://lh5.ggpht.com/_FpRQ_qViwR8/Sv9Qc_iyrBI/AAAAAAAAFt4/pdL7WzNhIrM/%E5%85%A8%E8%9E%A2%E5%B9%95%E6%93%B7%E5%8F%96%2015112009%2084938.jpg

今朝測試過,我個條應該係18M黎,有15m,朝早八點四十五分仲要係星期日,都暫時ok!中午同晚上唔知會點!

ahpo 說...

你就好啦....!
我第左三年,屋企仲未覆蓋到香港寬頻囉頂...!

hollykwok 說...

好有同感, 我都係用緊netivagator 8M個plan, 真係好慢, 特別係download野...

因為我個contract出年2月到期, 所以佢地d sales係咁打黎叫我renew張contract, 我真係不得不講個sales, 態度勁唔要得, 好似逼你一定要renew咁, 我都冇話要續, 佢就猛咁話「不如同你睇下要點upgrade」...其實個時我已經同香港寬頻簽左。

後尾Netvigator個sales再打黎, 我直接同佢講已經同香港寬頻簽左, 佢就即刻踩人地d服務黎抬高自己, 仲叫我地打去香港寬頻個邊取消個contract。我就話, 簽左reject要賠錢架, 點知佢竟然話只要我地同香港寬頻嘈, 就一定可以取消到...天呀, 好心個sales有d職業操守, sell野sell到要個客咁難做...就算佢d服務有幾快, 我都唔想再考慮...

不過我香港寬頻要到2月先正式有得用, 速度係點真係到時先知la。

Jason 說...

我用Netvigator 30M plan,又不是那麼差:

http://www.speedtest.net/result/687490389.png