痴左線早起身就會食的早餐系列

話說最近睡眠時間極度混亂,有時候連續 24 小時不睡,最誇張試過早上五點睡覺睡到晚上七點!!有時候又失驚無神朝早六點起床唔知道幹甚麼好。一般來說肚子都會極餓,於是我就試過起床之後吃了以下的東東...... (全部照片皆是「頹」影,拍的不好請見諒。)

某個晨六捱著冷走到家附近的金峰買白粥和炸兩,這家金峰我極少光顧,一是因為人多怕排隊,二是因為我覺得他們只有三款東西是做得好吃,包括上圖的這個白粥 (HKD$6) 還有瑤柱齋粥 (HKD$10) 都做得不錯。

另外炸兩 (HKD$10) 也是他們做得好的東西之一,因為夠新鮮,炸兩還是很脆口。其他有料的粥,鹹過死海!!完全不明所以。結果我一個人吃清光這兩樣東西,好飽,是晨六一直飽到下午四點還在飽那一種!

* * * * * * * * * * * * * * * * * * * * * * * * * * * * * * * * * * * *

如果有閒情,我甚至會煮飯!對!晨早流流吃飯!我把照片貼在 Plurk,還被友人譏為「農夫吃的早餐」。做咩 jet!早上吃飽一點,晚上不吃才可以瘦下來啊!

日式的雜炊飯做法超簡單,因為只是像平時一樣下米 (我的這個還下了燕麥片增加纖維),再加上在吉之島 $10 店買的飯素一拼去煮,每包一人份量的只是 HKD$12。已經有附腐皮啦,蘿蔔絲,牛蒡絲和冬菇絲之類的蔬菜了,味道是出奇地很不錯!

薑酒烤雞柳則是早一晚放雪櫃醃好,用烤箱就可做好的無油煙懶人菜。雞柳切塊後,用煮酒 / 大量薑片 / 醬油 / 糖 / 少許油和粟粉等醃過夜,烤箱 200 度 pre heat 好之後,烤 25 分鐘即成。我懶到用錫紙摺了個小兜,碗都不用洗!哇哈!

鹵蛋則是長期會在我雪櫃出現的備菜,這個只是鹵了六小時還不很夠入味啦。鹵蛋的做法之前已經有寫過,不贅了。

-----------------------------

金峰靚靚粥麵
地址:鰂魚涌祐民街2號地下 (香港水族廣場)
電話:TBC
菜式:港式




檢視較大的地圖

8 則留言:

KennyT 說...

查實可唔可以包伙食? :)

素顏天使™ 說...

KennyT > 如果你搬近o的都得嘅 XD

** 飛雪素素 ** 說...

我都唔係好訓到…都試過早上六點幾先訓到…所以我有胃痛,有時要食胃藥。 咁對個胃唔多好呀。
Take care ar ♥

DREAMARTZ STUDIOS 說...

halo,你好!首次登访!!哦,你这里好多东西看呢!!本人来自大马,《男女大大不同四格漫画》部落……欢迎浏览……

Fa 說...

我懶到用錫紙摺了個小兜,碗都不用洗<< 我都會咁整!!!
dump 個下、爽到呢!!
抹下張檯就得

火木 說...

金鋒的炸兩真係好食,但頂唔順果個类似事頭婆的肥嬸的晚娘面孔,好食都唔會再去。

Fun 說...

嘩.. 巧大既胃口but i like hahah!!

咁下次你應該打的去大坑浣沙街既順興魄碟車仔腸粉啦,真係開心到呢~

素顏天使™ 說...

** 飛雪素素 ** > touch wood 好彩胃無事,不過精神唔係幾好就真。

DREAMARTZ STUDIOS > 謝謝你哦~ 有空常來唄~

Fa > 我最近買左個係焗 cup cake 專用的錫紙盤,真是懶到頂點!

火木 > 但我見佢對老人家又好有禮貌,係對的後生客就呼呼喝喝咁,好奇怪。

Fun > 我出左名好大食,全東南亞都知啦.... *shy* 講起大坑我又想去炳記食豬扒丁了~~