有關和無關《2012》的事

看了《2012》,假設 2012 年 12 月 21 日真的是世界末日,你會:

A) 盡快賺夠 10 億歐羅,踏上現代挪亞方舟。
B) 錢我就無啦,一係搬去西藏,偷渡上船。
C) 都係無錢,但我決定「本 Pair」,這幾年有幾多信用卡/私人貸款都申請到盡,全部碌爆佢,到時唔洗還。

無論你選的是 A / B / C,其實《2012》就是另一部的《The Day After Tomorrow》,不過是 CG 增強版,如果你話我知踏出戲院門外就是世界末日,我都會信;可以想像得到的災難,全都給他拍到盡。下一部的災難片,還可以拍些甚麼?

論劇情,這類末日災難片要走的方向不外乎是那些甚麼骨肉分離生離死別人性醜惡盡現之類;他交了 A 戲給你,還未做 B 反應,你都估到下一步一定是 C 的結局。無期望又無失望,但這種電影無論如何都要入戲院看闊銀幕才是王道。

劇情無驚喜,好彩有個勁靚仔機師 Sasha (Johann Urb 飾)頂得下。真係靚得好緊要!(好明顯我係勁 buy 呢隻 type,你睇《Lost》個 Sawyer 都是呢種造型。)

說點和電影無關的三件事。話說是日光顧的是金鐘 PP AMC,HKD$90 一張戲票,貴得很。(消費 HKD$90 x 2 = HKD$180)

1) 開場 7:30pm,電影長約兩個半小時,完場太晚。就決定在戲院買隻熱狗邊咬邊看戲,那隻熱狗加杯飲料,HKD$45,貴,不過我是奉公守法的好市民,忍你,貴一貴都在戲院買。我不知道是不是因為金鐘看電影的人不流行吃熱狗,無論是那個縮了 30% 水的麵包,還是那條應該連續在烤焗滾輪上輪迴了兩個星期的芝士腸乾屍 (硬的有如未蒸熟的臘腸),還有連酸瓜粒都無的自助架,無一合格。IKEA Cafe 賣同樣的東西,只是 HKD$9,好食過這裡二百倍。(消費 HKD$45 x 2 = HKD$90)

2) 身旁坐了三位衣著打扮甚有毒男風格的男士,看電影時不住的高談闊論,仿如家中看 VCD 或者以為自己是一個人對住個「mon」睇 Youtube。(OKOK,可能佢o地真係毒到第一次入戲院所以先咁興奮囉!咁我無o野講。)

3) 吃了那兩隻好難吃的熱狗意尤未盡,派了某人再去買點零食。平常 AMC 的 Nachos 真是好好吃的,但不知是否我倆太「黑仔」,竟然吃到有電油味的 Nachos!那種油膉味不是普通的膉,一定是用電油來炸粟米片才有如此效果,機械人都不會吃。連那個芝士醬都超有問題,無芝士味而且起水o架!!!!(消費 HKD$38) 我都覺得古怪,查看一下那個粟米片的包裝,又無過期。

完場時把拿個僅吃了幾塊就放棄的 Nachos (因為太怪異真的不敢吃),原盤的完封不動拿回小賣部,其實都只是想稍微提醒一下。那位賣東西的男生,可能是剛睡醒,整個人都是迷迷糊糊的狀態。把那盤 Nachos 交到其手上,告訴其有怪味,請你們注意一下。他真的一聲不響就算,並打算將之掉了。

我給其做了個「o下」的反應。

他的回應是:「咁你係咪想要返丫?一係我換過一盤你囉。」

OK,你唔講 sorry 我都吹你唔漲。但係我要返盤 Nachos 做咩呢o下?結果又是不了了之。

平常光顧 PP AMC 都好安心,我也挺愛吃他們的 cheese platter,可完全不知道是夜的小賣部在搞甚麼,勁失準。還好回家前去了老麥買魚柳包吃,終於吃到點人吃的食物了!好可憐呀。
KKdance 說...

"The Day After Tomorrow" + "Titanic" = 2012

睇完覺得套戲太長而且無什驚喜, 個男主角追上飛機o個度, 真係一野跳, 就上左, 完全冇好辛苦扯佢上黎既程況=__=

黑人 說...

主角是1408入面專搵鬼屋的小說家

你諗下,1408號房咁猛鬼,入去非死即傷,佢無事

超自然現象都殺唔死佢,自然災害碎料啦

西藏那位技工,就是batman the dark knight的香港黑社會頭子,雖然未必有10億歐羅,但係夠錢俾佢買到個位做技工

至於個總統,梗係勁啦,以前佢係轟天炮個partner,由警長紮到上總統,佢唔上方舟唔係高尚情操,係以為自己拍左四集,咁命硬,肯定死唔去,點之計漏左海嘯呢part囉!

jetaime 說...

我認為如果2012係世界未日0既話, 由而家呢刻好開始做另自己開心0既事

Designed by OddThemes | Distributed by Gooyaabi Templates