一些生活

奧運

少少都無睇。唔該唔好 24 小時都播奧運。

直播完又重播,重播完又精華。

剝削對運動無興趣的人的選擇權利,雖然我本來就極少看電視。

有人問我為何不選擇在 2008 年 8 月 8 日奧運開幕日結婚,

我答:「奧運關我叉事?」

*******************



等 lift,身旁站著兩個少女 OL,約五呎二三高,OL A 好瘦穿童裝都嫌大,OL B 相對肥少少但應該都係著 izzue 細碼。對話。

OL A:「...... 夜晚食少少菜,幾啖魚,最多食半碗飯。呀,無添呀!有時飯都唔食囉。」
OL B:「係呀我都無食飯,但係唔知點解都仲係咁肥囉。」

我看著手上的麥勞勞板燒雞腿包還有荔枝特飲外賣......

咁樣係咪即係有暴食症呢喂?

*******************



明天去學車,雖然只是第一課的理論課,都好緊張。

我對車的認知是零。

例如,我一直以為「自動波」的意思是枝波棍會自動郁。
(乜唔係架咩?!)

祝我好運。
匿名 說...

哈哈... 相比下我諗我都有暴食症!!!!

0個D理論課冇乜用0家, 又悶.. >-<..
我聽左兩堂, 就走左呢D堂冇上,
anyway, 學車真係好好玩, enjoy~~^^
不過記得book朝早同晚上都要學下,
感覺同要留意0既野好唔同0家!!!
add oil~~

素顏天使 說...

~米雪~ > 係喎係喎!日夜都要 book,謝謝提醒。

egopast 說...

你好可愛ar...

素顏天使 說...

egototo > 得啦, 得啦. 我知自己白痴, 唔洗串我...T_T

匿名 說...

乜仲有人去駕駛學院學車既咩...
點解唔搵師傅學ar~
第一日就有車揸ga la~

匿名 說...

真係人地播又吵, 唔播又吵, 都係4年先播得果10幾日, 睇開D LA

Derek 說...

哇,我都想講好耐呀,日日播奧運電視台唔知想點囉!

匿名 說...

小可愛,
姐姐一直不願意學車,
因為常會閃神=.=
以前還在人家公司上班時,
經理級可以配車,
我跟老闆說,我不要配車,
幫我支付計程車費即可^^

匿名 說...

反正你都少睇電視,奧運4年先一次,請體諒體諒吧.

匿名 說...

理論課要上哂至俾你考試架喎! 你走堂...咪又係要補返... 我又唔覺得理論課完全無用... 不過成日都加D叫你加多幾個鐘, 又或者叫你升級果D乜差野至尊課程囉...

素顏天使 說...

Derek > gimme 5!!!

松露玫瑰 > 哇你公司的制度很好!! 小的不是經理, 也沒那麼體貼的公司啦......

體育迷 > 都唔係 24 小時架....吊頸都比的位唞下氣, 黃金時段, 無線做奧運, 轉去高清又係奧運, 轉去 J2 又係奧運, 想點??

Pris > 你在哪裡看到我說要走堂??? 奇怪.....

Meling Lam 說...

我考跛仔牌之前一直以為自動波只有High同low,即是Out-Runner果種...

素顏天使 說...

Meling Lam > 你講打機? 我係前兩日先知原來係右腳踩晒 break 同比油 XD 同打機唔同架喎......

匿名 說...

佢播奧運都算喇, 最慘仲要係d 低能主持 wewa鬼叫, 煩到想死。視覺聽覺極受罪!!!

匿名 說...

其實去香港駕駛學院學車都唔錯, 起碼考牌容易嘛, 我上年都係咁樣一次過考到車牌. 不過考左之後再出街, 就好似甚麼都唔識, 要搵朋友補鐘邊學邊開. 我 upgrade 了去智尊課程, 起碼每次都開同一部車, 同一個師傅教, 仲可以隨時轉時間, 又唔洗用佢個 booking systems, 打俾師傅預約就得, 都幾方便. 我個次去上第一堂理論, 差不多有半班人轉了去智尊. :P 好似我男友開了十幾年車, 日開夜開, 都唔見得對車好有認識, 所以素顏你不用太擔心的, 最緊要聽教聽話, 跟足 step 一定考牌合格.

素顏天使 說...

RE: 歡樂滿becca > 可能我時運低, 開親電視都見到張嘉兒同葉翠翠.......

MM > 我都係聽到有朋友講話合格率高 D 所以先報駕院, 智尊課程要加好多錢架? 因為我 join 了那個是 promotion plan, HKD$5000 全包 (連考試費 $1XXX 都包埋了). 如果唔join 會點?

匿名 說...

我睇到~米雪~既留言話走堂囉。。 呵~
你個plan好抵喎! $5000全包! 我年頭學.. 要成八千幾.. 不過我好似多幾粒鐘果隻,...btw, 我都係一take pass..不過而家駕車都仲係好緊張..特別去D唔熟路既地方.. 有次由灣仔去上水雙魚河附近...沿路都幾驚..因為隔離好多大貨車,泥頭車, van仔, 所以我諗如果你budget有既話..pass 左之後,搵街果D師傅補多幾粒鐘好D...特別係學上高速,橋, 斜路...

素顏天使 說...

Pris > ......真係冤枉呀大老爺,咁都係佢走我無走呀!我係乖學生黎架!

考到都要補下街鐘,好好,明白明白,因為我諗我會超淆底呀走出街!

匿名 說...

其實唔 join 是可以的, 好多人一樣考到, 不過你有心理準備就係次次教你的都是唔同師傅, 每次學車同考車要用唔同既車, 同埋要在駕駛學院內的 booking system 去自行 book 堂, 不似得智尊有專線, 仲有係智尊可以隨時改上課時間. 我係嫌麻煩, 所以俾多二千幾蚊 join 智尊同 upgrade 架車去 mercedes, 因為貪細車易泊位 :P 但個車牌既成本就變得好高了, 雖然一次合格, 本來都係 join $5xxx 個 plan, 但最後都花了大約差不多過萬呀. 同埋都有個問題, 做智尊的師傅人數畢竟少, 一個做好多學生, 時間難 book. 我那時都要上第一堂前 book 晒所有堂的時間.

素顏天使 說...

MM > 咁智尊學車同考車都係同一架車? 不過我覺得唔同車其實都 OK, 畢竟我都只不過係考廢牌 (自動波私家車), 應該不會分別好大? 但係 total 超過一皮野就點都有點太過份啦......

booking system 有無得上網 book? 要走返去駕院學校定係市區分行都 OK 呢??

匿名 說...

學車真係好好玩,好玩到唔會想走堂,考車就完全係做場戲,司傅教果D掉頭望鏡跟到足既話就PASS,考完之後正式上路面先係惡夢!

匿名 說...

學車加油...!!
建議你考到牌之後深夜出街練下手車先, 始終考完冇個師傅坐o係旁邊真係會淆底
不過有左駕駛經驗的話就算隔一排唔渣都唔怕會唔記得
我o係加拿大渣左6/7 年
返到香港都敢渣出街 (不過要練下先)
總之渣車最怕就係C9 & taxi drivers 去到邊個國家都一樣
見到時要小心, 哈哈!

匿名 說...

嗯....我係走左堂...
不過唔駛補又考到試.. 嘿~~

智唔智專都冇所謂, 其實分別唔大..
我都同你一樣係promotion plan~~
冇upgrade, 冇補鐘... 定d來,冇問題~~
不過考到之後就真係要多d揸先得,
始終路面經驗好重要!!!

匿名 說...

you are so cute about the car ar...hehehe...no wonder you are so popular la~~ envying!! ^^

Designed by OddThemes | Distributed by Gooyaabi Templates