雜碎

東奔西走

因為,

(一) 男友月中將轉到新界大西北工作,
(二) 想找個四正一點的地方結婚後居住,

連續兩個 weekend 週六日共四天都去了睇樓。那當然也不是買樓,看的是租盤。要慨嘆樓價真的高得很可怕!看了沙田 / 大坑 / 西營盤等超過三十個單位,預算的價錢亦已經比現在的租金多預了HKD$3000,但是,唉,還是沒一個看得中。要大屋搬小屋,我可不情願。(別問我為甚麼不買樓,我有我要考慮的東西,但我不想在這裡寫。)

最後決定,不搬了。

現在的業主只是酌量加我倆一千元 (嘿嘿,好租客難求呀),我還未還價。縱然這裡也有不少的缺點,但價錢 x 面積實在無得頂。

**************

多出來的預算可以去旅行,而且暫時是 settle down 了,可以再去加州開個健身會籍了!

嗯,瘦身要緊。

**************

另外也謝謝馬來西亞的 H 小姐,你的小貓 puncher 我已經收到了。還有各位不用再送我 puncher 啦,我想找的小鳥圖案已經找到,再次謝謝各位的心意。

有兩個人我想要好好的感謝他們,一個是我男友,一個是我媽。謝謝您們給我的愛。

7 則留言:

RN 說...

哦!?
咁唔駛睇樓我地可以去行街。

Q 說...

上屋下屋都會無左一籮穀呀~每一下都係錢.
我自己就唔可以一次過去做幾件大事喇,如 :
結婚同時又生仔
生仔同時又搬屋
搬屋同時又結婚
諸如此類. .....煩都煩死 ~
業主著量加一千蚊,講真句,今時今日仲加得一千蚊, 好業主難求呀.

KKdance 說...

不搬是個好選擇~ 搬下屋就會俾運費, 新屋就自不然會買下野, 實會洗左唔少錢

塞米一條揚陸轟炸機 說...

咦我想問呢....家陣香港租間細單位大約要幾錢?因為網上地產通常都是500呎up的租盤,而且抽佣頗高...選擇很有限。素顏能不能憶述一下所見既租盤地區大約價格?

我有半年會住香港,住屋方面不是太樂觀,想做個小research,計下個筆直。

素顏天使™ 說...

塞米一條揚陸轟炸機 > 細單位即是幾細和哪一區?不同區域不同價錢喎。你預算 budget 大約有多少?

其實只是租半年會好難,因為一般單位都會簽約兩年(一年生約一年死約)。你香港有無朋友家人親戚,寄住半年你給返多少錢人咁樣仲化算啦。

不過都有少少價錢可以給你參巧下,如果你想住港島再加上懶有型又想住大坑的話(designer 通病),朋友告知我最新知道的價位是唐樓 HKD$4700/200呎。其他區域可能平少少,但如果是 200 呎 (非套房) 的話最少 HKD$3500-4000 也是走唔甩了。

塞米一條揚陸轟炸機 說...

謝謝素顏:)

其實港島區不論哪一區都比九龍區貴,我在想,有無類似sharehouse之類的東西啦...老家勉強可以容納一個多月(咁點解住唔埋果半年呢...呢個故事長篇得很囉),也難保會不會到時又有變卦...

話時話點解係親designer都鍾意住大坑呢?我諗極都唔明....

素顏天使™ 說...

塞米一條揚陸轟炸機 > 據消息報度灣仔區/老銅區的細細個套房 (約 150 呎), 價位已標升至 $6000-$7000, 十分之痴線!

share house 除非你同 friend 夾, 否則難矣~