ATORREGE AD+ 美白系列

ATORREGE AD+ 的 PR 送來它們最新的「抗氧防曬美白護膚系列」予我試用。上一次介紹完這品牌之後,有不少的網友都有寫電郵/留言讚好用,妳們的支持聲音真的令我很鼓舞啊!

不厭其煩再寫一下,這個日本樂敦家族旗下的全新醫學美容護膚品牌,主打高度防敏,就算是患了嚴重濕疹和暗瘡的女生用都完全 OK。炎夏將至,有不少有這方面問題的女生向我詢問有甚麼美白護膚品她們都可以安心使用,我想這品牌也挺適合的。


上圖左手面是 AD+ White Essence 美肌透白精華液,高補濕度及高濃度抗氧化的美白精華,呈淡淡半透明水質啫喱狀。可阻截黑色素形成防止及淡化色斑,我覺得它最好的地方是,因其含有高度補濕成份,不像傳統的美白精華一樣,會令皮膚乾燥。同時有保濕兼活膚的功能,一舉三得。

右手面的則是 AD+ Moist Up UV Cream 美肌防曬霜,SPF 14/PA++ 的防曬功能足夠日常使用,其實過高的 SPF 數值反而會令肌膚有所負擔。質地不油膩,也含有如蘆薈葉,透明質酸和甜菜頭等的補濕成分,令肌膚保持水潤透白。

以醫學護膚品牌來說很划算,美肌透白精華液售 HKD$360/30ml,而 美肌防曬霜則售 HKD$220/30g,於各指定屈臣氏,及尖沙嘴美麗華商場 2/F 的專門店有售。
i.c. 說...

講開美白,之前你略略介紹過的aqua label(美白系列)、aquamoist(透明質酸,我試埋佢隻化妝水,開架比專櫃要便宜,不買白不買)同研肌(化妝水),我走去試勻嗮,真係兩個字:抵用!!十二月中“首用”到今日,足足白咗一個tone。

非常感謝素顏小姐用心寫評,讓人用得放心,出嚟效果好,又開心~~

素顏天使 說...

Ingrid > 妳o地用了喜歡我都好高興架 ^^

匿名 說...

短片中, 小貓也出場了, 貓如其主, 夜一夜都唔目訓。咳咳, 對不起! 你說"我"字有懶音。不要打我。

sonrisa

素顏天使 說...

sonrisa > 有咩??? 邊粒"我"字?? 我出名"正音王"o黎o架喎 XD 可能我錄條片o個陣個口唔夠郁得大.

匿名 說...

哎也, 原來留錯地方添! 係粒粒"我"字都係喎。 不要打我。

sonrisa

素顏天使 說...

sonrisa > 係??? 但我戴住 headphone 再聽多次, 我係讀到 "Ngoh" 唔係讀 "Wo" 唔係讀 "Oh" 喎, 無懶到.

反而有粒 "佢" 字讀左做 "去", "mask" 又走走地音......XD

喂! 唔好吹毛求疵好喎!

i.c. 說...

用不著吧,這還算懶音?那通街的香港人不就都有語言障礙了嗎?

匿名 說...

係! 我估你知懶音唔係真係懶架喇, 應該話係發音不準。 有可能你都聽唔出, 因為在你個年齡層, 好多好多人都係咁個喎, "我,你,佢" 變成 "哦,理,去" 喇!

至于你呢, 你的"我"字發音就介乎於"我"和"餓"之間, 不很準, 但又唔係很不準。

0:08 不準
0:25 ok
0:48 ok
0:51 ok
0:58 不準
0:59 不準
1:00 不準
1:45 不準
2:18 不準

其他 okay. 我無吹毛求疵呀, 年紀大的人, 係無人有呢個毛病的 ! ! !

呀, 你聽不出來的話, 可以問 puiyee, 她最有書卷氣, 我諗她聽得出卦, 我不認識她的。

Btw, 我想聲明, 我是反對正音的, 那班人, 不知所謂!

我係咪好無聊哩?! 我覺得係! 所以請你不要把我這篇野登出來, 我不想惹起公憤, 給你的 fans 踩死!

No Offense! 不要罵我!

sonrisa

素顏天使 說...

sonrisa > 你叫我比 puiyee 睇, 我唔 publish 點比佢睇? 嗱不過你咁有心機逐粒音捉我, 咁你都要話聲我知你個 "我" 字係點讀.

我用廣東話輸入法, o的音讀唔正, 跟本打都打唔到出o黎. "我"的廣東話拼音係 Ngoh, N 係鼻音. 咁你話我錯, 你都要話聲我聽個錯係咩錯? right?

puiyee 說...

多謝sonrisa咁俾面,有d受寵若驚添!不過我其實因為講野較其他人快,多少都會有懶音,邊有資格做正音大使呀。

我跟足sonrisa既標準,以及你highlight既幾分幾秒將段clip聽一次,個人意見係覺得素顏既"我"要吹毛的話都唔係冇疵,但只屬輕微問題,特別係句野連住講就好難100%準,加上"我"又唔係keyword,有時"lur"左都可以理解。

我地位又講正音又講拼音,成件事好有學術氣氛呀!

匿名 說...

嘩, 你唔係咁大整蠱, 我實俾人踩死喇! Anyway, 你當然完全知道 Ngoh 點讀喇, 祇係發唔得準, 又聽唔到自己點樣唔準, 因為周圍的人好多都係咁咯。 再, ngoh 很容易讀得準嗎? 廣東話有九聲嘛。 咁, 我算做答左你未呢?

又, 多請 puiyee 賜教, 感謝!

sonrisa

Designed by OddThemes | Distributed by Gooyaabi Templates