七不思議之人有相似系列

關於人有相似。

老老實實,我不覺得自己是漂亮的,真心。不是那些掉一堆 V 字手「巧可愛」自拍照出來,旁加 caption 話「唉吔唔靚都唔好笑」那種。你見我這個 blog 冇幾何有照片擺出來,就知我怕人柴台受不起。以下這段,純屬得啖笑,切勿對我本人的外貌有些甚麼期望瑕想之類,即是似,都有「似得靚」和「似得唔靚」的分別,right?

每年冬天吃的多,我都比較胖(即是現在這段期間)。所以當有人說我像李珊珊,就是紅色危險警告訊號燈亮起了的時候,要減減磅了。其次就是說似葉璇或者廖碧兒,都是骨架比較大的女生。我個人亦承認,有某些角度,是的確有幾毫子似未整容的葉璇。


(左起)全知賢 / 徐熙媛 / 白歆惠

夏天我會比較瘦,就會聽到有人說我似全知賢或者大S (徐熙媛)。OKOK,這兩個我都好喜歡的亞洲當紅女星,有人這樣說,我是會打從心底笑出來喎! 我是呀,我好虛榮o架! 有某位認識多年的人士曾經在大夥友人聚會時說過,不明白何以其他人會覺得全知賢靚,「頂,同阿Pat一模一樣o架囉! (潛台詞就是說: 咁有咩咁靚?!)」另外在台灣的時候也有人說過我似新一代名模白歆惠,雖然人家說時是禮貌恭唯居多,但我本人實在暗暗喜之。

昨天聽到一個新的,竟然是譚小環!!! 雖然說的人見我反眼,即時急急強調是初出道的還是「cute cute o地仲係好 OK」的譚小環,但我實在不能接受!!!! 雖然好歹也是港姐冠軍......但真是唔好啦......譚小姐是零氣質女星呀! 可能因她主持《都市閒情》或者跟安德尊(!!!)做熒幕情侶(!)主持......那麼我零願似劉彩玉啦,起碼她有像吃了防腐劑一般的不老容顏呀。

至於這幾個女星的共通之處.......就是完全沒有共通之處!! 我自己也覺得一頭霧水呀!
警麗 說...

妳似Cathrine Zita Jones喎!
哈哈

eu 說...

我覺得似周秀娜!

自由行 說...

似李珊珊??? 咪驚住, 可能指佢既身材呢!! kakakaka~~~
um...譚小環又的確...俾我都僧揀劉彩玉!

聶秀康 說...

Oh..no..前些時見過譚小環...四支像樹枝懷疑她夏天怎樣穿短袖衣.*那時她穿長袖jumpsuit.

素素... you're the only patricia to me! No matter who's you look like.

Chloe 說...

我以前都有講過你好似林熙蕾ga wor...又唔寫,哈哈

puiyee 說...

我覺得among咁多個你最似大S!

Cherry 說...

我覺得似全知賢!!!!
(我係用真人計...唔係淨係睇相)

K先生 說...

妳知道我為何找妳吃飯,因為秀色可餐,
眼睛和脾胃,同樣獲得滿足.

babyalpha 說...

你info張相堅似全知賢喎!

馬.李心心 說...

哈哈哈哈…

似全知賢幾好啊,靚得黎好特別,不是一般例牌的靚女…

無論似邊個都好,總之都係靚女囉,哈哈…

anf 說...

似白歆惠既話.. 頂呱呱~~

Meling Lam 說...

同意Cherry,我都覺得似全知賢(用真人計)。

bobo 說...

呢D 所谓“评价”真的只是得啖笑。。。我做了42年人,最好笑的是20年前公司的OA说我像陈宝莲,其实他不过是想说我“大份”。。。

另外一次是1997年在GUCCI 的product launch,寇红萍加周美凤一起说我像一个TVB的艺员。。。她们想了半天才说,景黛音!!!天啊,不是吧???!!!

你去我FACEBOOK见过我个猫样都知道她们完全是点错相。。。我最似我阿妈(陈辉虹话我越老越似,哈哈哈)!!!

我似边个无所谓,男人最好似金城武、黄德斌、胡军、BRAD PITT、本木雅弘啊唔该。。。

逍遙小妹 說...

美女果然著數呢^^......
小妹就沒有這福份了.........

匿名 說...

我都覺得你最似大S

不如你都玩下這個遊戲,看看你最像誰吖!

匿名 說...

我同你一樣試過(經常)俾人話似譚小環...

我既回應:

"喂呀....唔好咁大聲講喇,我驚俾人聽到呀!!"

羊太 說...

結婚化左濃裝時..都有人話我似譚小環...你似佢...= 我又似你.... 都幾好喎....:-)

匿名 說...

我覺得你似大S或者葉璇。 譚小環都無氣質!

sonrisa

匿名 說...

呢篇日記三位靚女都有個共通點,唔計對眼的話,其實五官既比例同距離都似喎...

似靚女真係好,羡慕死人啦~~

Unknown 說...

劉彩玉?
係唔係劉玉翠?....

Designed by OddThemes | Distributed by Gooyaabi Templates