《每當變幻時》

WARNING:以下內文含電影內容,不喜勿讀。


故事結局跟我所以為的略有不同(前文),比我想像中拍得更好,導演羅永昌比前作《天生一對》進步了實在好多。看完了心有點戚戚然的感覺,久不能語,阿妙和魚佬的結局有點無奈;最無奈是這樣的故事又最真實,當然,安排一個假結婚於這部電影裡面是有點太過戲劇性了。


選角出色,楊千嬅陳奕迅都演來自然,馮萃帆作阿妙父親一角更是不作他選。妙父死的一幕,我真失禮,還哭了起來。最喜歡阿妙在化妝學校跟魚佬搶銀包的一幕,人活到若干年,就知道這是甚麼一回事了。但最悲凔,還是要數為甚麼阿妙在 35-37 歲年間(個造型)可以老了那麼多,事實又真喎,女人到了那個年紀,老得好快,看得我驚心動魄。

如果你是女人,要看;過了 25 歲的,一定要看。

Official Site

************

火爆仔時間。

我是於星期五晚於 apm 看的,看電影時坐我和男友身後的一對情侶,未開場講到散場,忍不住擰轉背勁誇張咁「啤」完都唔收聲。談話不特止,還要講電話,還是那種「係呀,係呀,陳生你好!收得唔係幾好喎,喂~ 喂~ 喂~ 係呀,我唔得閒喎,係呀,係呀,我睇緊戲呀,我以家唔方便講電話,或者我夜D再打比你丫,好啦,bye bye~」#@@^XYZ&##$#!!唔聽得電話咁你又聽?!!!最絕,她身旁那位還聲大大問旁邊那位「咁你又聽電話o既?」,那位聽電話的八婆還要若無其事答佢囉!!如果可以,我絕對是想起身捉這兩個仆街來打,一張摺 木凳 車埋去打到佢標腦漿果隻!

散場時我再望真一點,原來是一對 lesbian couple,TB 打扮那位約 5'4" 高 160 lbs,著旺角荷里活中心款式黑色西裝,染到個頭好似李克勤咁;女的那位 5'2" 高約 200lbs,著旺角中心款式黑色套裝,我覺得佢o地好襯!各位小朋友,呢個故事教訓我o地,如果於戲院內說話/談天/講電話,就會變到佢地咁款囉!係咪好得人驚呢~
匿名 說...

好耐都冇留過言比你呢~唔知你仲記唔記得我呢^^
去戲院睇戲遇著呢啲人真係想死~我今日睇戲都係~明明唔係睇笑片~點知坐後面嗰班人就由開場笑到收場~啤佢都冇用._.

素顏天使 說...

amulet > 我記得你呀, 咁靚女點會唔記得呢~ 估唔到你有睇我 blog 啦, haha~ :)

匿名 說...

其實踏入 30, 外貌沒有想像中改變那麼大, 甚至狀態比 25 歲時還要好, 生活素質亦然. 我像你那個年紀時曾經覺得 30 歲好像大限一樣, 豈料到 30 歲那年, 原來日子還是那樣過, 至少不至於要由 Biotherm 轉用 SKII 或 Valmount 啦. 現在有時都忘了自己的歲數, 我還認識了一個年紀比我少的男友 :> 我身邊好些女性朋友都 37/8 歲了, 她們又 fit 又靚, 事業有成, 穿戴一流, 我看見她們, 不再怕老了.

有關每當變幻時, 我突然想起: 過盡千帆皆不是. 完場那一刻, 望望坐在身旁的男友, 心裡大呼好彩好彩.

Nana 說...

睇到你最尾個段形容,忍唔住笑左,haha~

講真,入得戲院睇戲真係為左個氣氛同音響效果囉,如果唔係,是但租隻碟返屋企睇都得啦!個d人真係無得救架喇!

素顏天使 說...

miumiu > 唔, 妳和妳的女友們都好幸福. 當然我知不會說 30 歲就一夜白髮變千歲老人. 但我剛剛 26 歲, 回看 22 歲時的照便也得嘆青春是會不知不覺間流逝的, 無論容貌和體力都真的不復當年.

nana > 如果香港的電影組織想要救市, 我想首要條件是如何教育這些公德意識其低的垃圾, 看電影是不可以談話的.

Xavier 說...

"如果可以,我絕對是想起身捉這兩個仆街來打,一張摺 木凳 車埋去打到佢標腦漿果隻!"


... 好正!! 最離譜系d成院滿座的電影,這類人每次都見/聽到。

如果我在場我會起身拍手鼓勵你!!

匿名 說...

體力容貌都要鍛鍊的! 我有些前輩, 她們的體力比我還要好. 你只有 26 歲, 在我們眼裡, 年輕到不得了, 現在好好鍛鍊都不遲. 做人不能回頭, 就惟有好好活以後下來的日子 :) 每天活得快樂就不賴了. 我 22 歲時看來還像只有 18 歲, 現在看回舊照都感嘆年華老去(!!), 對比很大, 但要我回到 22 歲再活一次, 就咪攪我了 :P

素顏天使 說...

中環才俊X先生 > 你應該幫我手一齊打先係呀~

miumiu > 說來慚愧, 我仲o岩o岩 quit o左 Fitness First XD, 一個月先去得2-3次比人鬧o徙錢呀.

Designed by OddThemes | Distributed by Gooyaabi Templates