都市連續劇



作為一個普通的八掛小市民,明明最憎睇《東方新地》,也有「大o拿o拿」付出 HKD$12 為了看轟動全城的「倪震偷啜老翻樂基兒」一文。

文中倪先生面對記者,除了「Chok」出個慘樣,還振振有辭說是受了酒精影響,說是好後悔好羞恥云云。倪先生說,該名美少女是當晚才經由日本朋友介紹認識,朋友失去蹤影,所以他才早走,當然從頭到尾都影不到他口中的日本朋友。記者追訪美少女,美少女拋下一句,「Who's 倪震?」就被友人拉走,好像剛才她熱吻的是個陌生人一樣。

今天又有新進展。


感謝(?)網路發達,美少女被起底,芳齡 23,34D,國產美眉,現為香港城市大學的四年級生。這位名為 Miffty 的美少女在 blog 內除了豪爽地大曬 bikini 性感照,還被記者翻到其中一篇日記,表示早前已經認識了倪先生,倪先生被她影響下愛喝 Blue Hawaii (嘿嘿,這該是中年男人常見的「lum」女招數是吧)。

即是說,美少女跟倪震一早就認識,兼且已經有約會。

真是好蠢,想用一個大話蓋過另一個大話。

現在看來最蠢的是,不是倪先生一次又一次的偷食越軌,以前的都可以說是無證無據「你吹我唔脹」,但這一次斷到正一正,為什麼還要死頂說謊?不過說起來,也不是很明白上一位他「偷嗒」的嫩模 Esther 何以都會被拍到吃麵的照片,其實是倪先生自己放料給記者?因為不知何以拋棄拍拖 20 年的周小姐??

其實我都不明白,蘭桂坊最多狗仔隊,聰明如倪才子,該知道 Azure 守衛甚至不及 Volar 深嚴,人人自出自入,何以會選在一個這樣的地方公然偷食。

不過,才子都是男人,而男人在下體充血的時候,是不會用腦來想東西的。

至於周小姐,唉,好可憐,但是我也不知道跟一個拍拖 20 年的男人分開會怎樣,純粹個人猜測,最終還是會原諒他走在一起吧,畢竟投資了 20 年的光陰青春和感情不是講玩笑的。像各位小股民一樣,「坐艇」不緊要,卻總希望有一天可以升回買入價,可能真的如麥玲玲於報載所言,花心到 60 歲?就等到 60 歲囉。


(《東方新地》內圖)

總之各位男士就不要學啦。XDDDD




申延連結(1) -- 如果熱愛後總會涼 @ i m chi

申延連結(2) -- 假如我是周慧敏之fling, affair, relationship @ 我們不是天使

申延連結(3) -- 周慧敏聲明全文 (update @ 11 dec 2008, 7.27pm)

申延連結(4) -- 倪震聲明全文 (update @ 11 dec 2008, 7.27pm)

29 則留言:

聶秀康 說...

我沒花錢買啊!在ok仔看了一下圖片...!

匿名 說...

我覺得20年相處下來周小姐多少都隻眼開隻掩閉. 今次比人捕到, 倪生咪話好後悔唔再犯, 周小姐就話20年感情. 之後完, 倪生繼續滾, 周小姐繼續扮ok囉.
可能好似飯團san寫既日本女人咁(http://mr_riceball.mysinablog.com/index.php?op=ViewArticle&articleId=1462684)周小姐係真心覺得玩得專業就無問題o既人呢.

KKdance 說...

唔知點解感覺那個大陸同胞好有機心, d 記者又會咁岩可以影倒相, 仲要ok清楚...=_=
仲有那個同胞連個"blue" 字都可以連續2次串錯, 即係真心地唔識啦...=.=" (呆)

Mademoiselle 素顏天使™ 說...

匿名 > 玩得專業都係一門學問, 但呀倪生就真係唔多 pro, 佢都比人捉到好多鑊架啦.

KKdance > 哈哈哈哈哈哈哈哈~ 係喎!!! 笑死我~~ XDD

匿名 說...

先唔好理呀倪生下體有幾蠢,但真係食唔少索野喎~~~:p

X

Mademoiselle 素顏天使™ 說...

X > 下體有幾蠢 <---我笑鳥 XDDDD

聶秀康 說...

好心分手,放大家一條生路,咁攪落去大家都冇乜面.倪生悶成咁4為搵野食...何苦呢!勇敢站出來和平分手別再拖拉紏纏道歉...我撐你倪生.

肥仔 說...

多謝妳為我省了 $12 .... 話時話... 條友都衰過咁多鑊 ... 玉女都係隻眼開隻眼閉 ... 倪生冧女係有 D 計...

Good 說...

垃圾 睇 垃圾 都係 垃圾
得閒 睇多的書
得閒 多的同父母 傾計
得閒 多的關心 家人把啦

匿名 說...

總之今次真係'蠢x食正聰明x'~~~一定係呢位索女報料!!

X

AKIRA 說...

其實倪生跟鄭伊麵是同一類男人,不想結婚、有女友卻在外把妹,周小姐不應該把時間「投資」在這種低回報率的股上。新地說那個什麼什麼Miffty是翻版黎太(樂X兒),哪有像喲?而且blue hawaii那裡我看了兩篇,以為自己看錯,虧她還是大學生,簡單的英語也可拼錯!?腦殘國貨!

匿名 說...

Good> Good 呀, 你好呀, 又係垃圾站撞到你, 倒垃圾呀? 喂, 我地都有得閒睇下書, 同屋企人傾下計個播, 週圍踩人就無時間啦.

Mademoiselle 素顏天使™ 說...

聶秀康 > 嗱但係男人唔會囉, 男人只會等自動流失, 加佢周小姐又咁大量(?), 飛唔到架.

肥仔 > 咁佢話晒才子, 叻 lum 女呢的好 basic 架 je

GOOD > 喂你的語病好次好似好返好多啦喎, 咪幾好囉, 記得準時食藥呀.

X > 翻版 CoCo

AKIRA > 鄭伊麵 <-- 佢都有在外把妹咩?!!! 媽咪姐你快的爆料!!!

匿名 說...

這照片是在外國記者會的吧拍的。FCC不是random pick up place。 這國內exchange student 應該不是會員吧!所以本人推斷該是倪生帶她到這裡或約她到這裡囉。
真係好怕呢啲唔三唔四的人响FCC出現。搵食唔該行遠啲啦!!!

Mademoiselle 素顏天使™ 說...

匿名 > 有個咁 sharp 的《ViVi》look 女仔響 FCC 蒲頭好揚, 記者係醒o既就去問下 FCC o的 waiter / waitress / bartender, 條友可能帶過好多女去, kaka.

其實阿 Miffty 應該行返落去 Beijing 搵食算啦, 果度襯佢多o的, 哈哈.

盧汶汶 說...

男人講大話可以唔眨眼, 但作為女人, 呢啖氣真係吞唔落!
倪生反晒高潮眼啦! 頂!

Good 說...

Good> Good 呀, 你好呀, 又係垃圾站撞到你, 倒垃圾呀? 喂, 我地都有得閒睇下書, 同屋企人傾下計個播, 週圍踩人就無時間啦.

知唔知 咩係 文化 低等動物 睇下你寫D野就知啦.呢的唔係.. 週圍踩人.咁簡單都睇唔明..垃圾始終是垃圾 

Good 說...

GOOD > 喂你的語病好次好似好返好多啦喎, 咪幾好囉, 記得準時食藥呀.

又 多一個 文化 低等動物

匿名 說...

Good> 該怎樣說你呢? 你又賴低左野o係垃圾站, 其實你很傻, 你知道嗎?

聶秀康 說...

擴議呀! 倪x米帶埋D女去FCC度扮文化人約會大學生,個女仔係敏敏後生廿年板係男人都會吻下去...話之佢!
玉女吾分手...呢D事祇會越爆越多,祇讓大家都難憾,到底一段情開始是美麗但離場都要有反D姿態...離場離得好睇D...!

Jerk 說...

女性睇完通常都係:"男主角真係衰!!";
男性睇完就:"男主角真係唔好彩..."

Mademoiselle 素顏天使™ 說...

Vin > 多謝, 不過我不可以放你的 comment 出來呀~ *shuuuuuuuuu*

Flower B 說...

我覺得VIVIAN不嬲都知嫁啦,可能佢地之間有D我地唔知O既AGGREEMENT呢。其實佢地真係唔使為左我地呢D八婆八公而分手喎,真係無為。

說...

這個十二月我本來好開心的,但因為這件事,我覺得成個十二月都好似瀰漫著傷感,二十年!!

我很喜歡很喜歡周慧敏,本以為一切都好好了,走了半生,到今天總算穩定吧久唔久參加慈善活動、做做訪問,讓我們見見她,多好,估唔到...... 唉,唔想見到佢唔開心 :(

Good 說...

quote:
這個十二月我本來好開心的,但因為這件事,我覺得成個十二月都好似瀰漫著傷感,二十年!!
正xx講廢話 ...唔好扮成 好似同你有關 咁啦..早斗

聶秀康 說...

糖,冇咁大件事呀!20年? no big deal每人都會有.十二月好多其它事發生,open you eye up...

匿名 說...

果位內地小姐
紅起來了...出哂名....~~
~kit
(我成日都覺得佢有dd像 寶x如)

說...

sorry... 可能我太鍾意周慧敏喇(好多年),佢真係好好人,發生件咁既事我覺得個天對佢好唔公平~~

匿名 說...

糖,
公平是自己爭取的,種瓜得瓜...