破事兒

‧阿媽繼上次的遠洋兄弟之後，又有新「貨」推介，某某加拿大回流的 auntie 個仔，阿媽話人地阿媽話自己個仔好靚仔 (有邊個阿媽覺得自己的仔女唔靚？)，因為不肯結婚和拍拖四年的女友分手 (咁唔肯結婚仲推比我做咩？)。不過，高登仔話齋：「傾偈無相無偈傾」，講咁多做咩，send 張相來睇下先。

‧之前給姪兒買了一些嬰兒服，有兩件不合弟婦心水，擱在一邊，好浪費。媽話要留給我，我問她：「我要來做什麼？」阿媽又話，「咁你遲o的都會有 BB o架啦。」，我答：「點生？單性繁殖呀？」

(iPhone拍攝照片)

‧弟弟洗魚缸，把金魚先放在膠盤內。我一見就大叫：「《崖上的波兒》呀！！！」，襯弟弟不為意，還不停用手指篤條魚個頭，哇哈哈哈。

‧有位施主叫我寫有無識到新男友，無囉。我宣佈：香港地，30 歲或以上的性格正常 + 正常樣的正常 單身 男人已經全數死清，或者 gay o既。

‧情人 / 老婆 / 老公 / 男朋友 / 女朋友的唯一作用，就是大時大節有個伴。

‧我有「聖誕節孤獨老人候群症」，有無藥食？

‧聖誕節，完全無局，無人約，但亦不想出街見到一雙一對懶係開心懶係溫馨，係呀係好 dry 囉我係酸葡萄囉咩 jet 咩 jet？

完。