短談風月

我有很多待我為知心密友的男性友人,一些他們無處宣泄的秘密,需要女人的意見的時候就會來找我傾訴。可能是我的接受能力比較高。

所以我知道,有很多男人都好爛「滾」。這個「滾」字,是純肉慾的,指的是交易買賣的那種。那些又玩感情晚晚在蘭桂坊企的,這裡暫且不談。

樣貌平凡的不消說,交不到女友的不消說,最令我詫異的是好些很有錢相貌還可稱得上一句「靚仔」的都有這個習慣。就是說平時彈指一揮都有一堆女前呼後擁的那種男人都愛這種嗜好。越有錢的就越喜歡。

可能男人愛征服,可能是愛上那種不用花時間追求就到手的感覺。

很好笑的地方是,已經不止有兩個男人告訴我,我遇上了一個與別不同的公關小姐 / 阿豬朋介紹了一個 model(?) 伴遊給我。(是的,99%的男人聽到 model 這個字就會發癲覺得自己撿到寶) (也怪不得滿街都是自稱兼職 part-time model 的女人) (離題了) 她看來是如何如何清純,我是如何如何被她迷住,我連碰一碰她都不敢,上床?沒有呀。只能待她在手心有如瓷瓶。帶她看電影帶她去高級餐廳晚膳,喂,阿Pat,我好不好去包養她呢?她說她是大學生喎,家裡有事要錢,她真的是如別不同的呀......

說上這些傻話的都是有學識的男人,一流大學畢業,30多歲,well-educated 的,相貌堂堂。

OK,OK,是的,凡事是有例外,我也沒有歧視這些自力更生賺錢的女人。一定有清純如朝露純善如水又不為錢(?)為了家人才拋個身出來做的好女人,但這好比大海裡撈針囉,我聽到這裡我都會笑,然後說,好呀,去啦去啦。心裡只能說句,點解你o的男人咁X豬?

當然,明天起來他可能已經忘了一切。電話鈴聲響起,又呼朋喚友的一家 club 挨 一家 club 的玩女去。手機響起女友 /太太的電話,按一下關機,擁著身旁女伴沉沉睡去。

補充:其實這種 case 倒是有一個「學名」的,叫做 ──「沉船」。



無論如何,女人都是很難理解這種嗜好的。


*************

申延閱讀 ── 好文一篇,《與小子談沉船》,by一點紅@沉睡森林
匿名 說...

聽到你所說的那些case,令我想起,有些女人遇上情場浪子,以為自己用愛用時間就可以感化浪子為住家男人…

其實或者男同女都係一樣,以為自己是與別不同,也以為自己遇上了與別不同.

豬嗎?或者對他們來說,這只是為了愛而一時迷失理智,不過如果我聽到呢個理由,我都會覺得好好笑..

kenkachemhazard 說...

那請教一下: 女人怎樣以模特兒為職業的女生? 會否特別拜金or其他?

素顏天使 說...

kenka > 唔係好明你問咩.

匿名 說...

係啊, d 男人成日都以為自己遇到果d 貪錢的純情學生係仙女啦...唉..怪只怪男人係愚蠢的動物, 沒有理智的....我地呢種異性歸中密友比意見佢地, 佢地只會話我地偏激架咋..我們只好說"你遇到的可能同其他不同啦" 之後撞板咪話我地真係勁, 估到晒個女仔做嘅野:p

seikomatic 說...

(1) 純情學生妹=嫩口;
(2) part-time 俏 model=質素;
(3) 散餐=無手尾,干手淨腳,純粹交易,唔駛林咁多野。屋企食完要洗碗...
(4) 有學識,相貌堂堂=同一般麻 luck既分別,系多一份面字要死掙。
(5) 你情我願既交易,邊個豬都講唔定。

一般女人未必會理解,幾 x 廿歲,有D錢,要獨立自主既邊止理解,玩緊啦!

素顏天使 說...

seikomatic > 詳情請參閱文中申延連結,真係講多都無謂。

kenkachemhazard 說...

打少左幾個字sorry.

應該咁問: 搭上model係咪好易沉船?

素顏天使 說...

kenka > 文中所指的是有做「出賣肉體兼職」的 兼職 model,並非指所有 model 都係妓女,沉船一字只適用於妓女身上,所以,你條問題有o的「正字」不正確。

咁再當然,若果比個男人,平時都係有叫開雞啦,又遇到個 model 咁好質素 (我先假設係真係咁索o架先~),確實又係會易沉o的囉。

其實果o的兼職 (所謂) model都好「慘」,同一時間要做咁多兼職,兼職大學生啦,兼職 model 啦,兼職妓女啦,多重身分,真係 24 小時邊夠佢用。

匿名 說...

你好﹕多謝你鍾意我篇文。係呀﹐最易沉船既人反而係30零歲既中產﹐有 education﹐唔太樣衰既人。反而D好窮或者好有錢既人就少D﹐真係一個值得談討既社會現象。

seikomatic 說...

可能你同俺對所謂【性工作者】感覺,睇法唔同,妓女始終有價值判斷系里面。

唔收錢同你上床既,只要你讚佢靚,同妓女有無分別呢?

真系好似你延伸閱讀咁講,咁多仔死系D女手上咩?

好多女死系條仔張彈弓上床既故仔都唔小!

呢樣野似乎你同俺都系門外觀床戲。聽到加想象多D。

素顏天使 說...

一點紅@沉睡森林 > 係呀!!! 我好鐘意睇你地個 blog o架, 你同熊貓寫o野好好睇, 長期佔據我個 sharing chart, 不過我無留過言, 太懶.:p

seikomatic > 逐點答你.

* 如果用你呢個 logic, 不如你話比我聽, 你屋企個女人同妓女的分別係咩先 (no offense). 分別就係, 你屋企個女人, 係唔會因為求其響街有條佬讚佢靚就同佢訓, 但妓女就會因為你袋裡面的銀紙 open to public. 我相信你唔會係詹培忠o的同黨, 當所有女人都係雞呀?

* 係呀, 真係有好多佬死響你口中的性工作者手上的. 可能你個世界比較純真無咁多會去叫雞的男人啦, 我個世界就比較邪惡囉.

* 本文主要為談叫雞叫到沉船的男人, 已標明不談用感情玩女的那堆, 切勿混為一談. 但當然我相信去叫鴨叫到沉船的女人亦不少的.

* 對於性工作者/雞/妓女/老舉/小姐等等的字眼, well, 有無 judgmental 的成分視乎你個腦諗緊o的咩啦. 《性工作者10日談》裡面, 媽媽生余安安係咁樣答社工吳日言o既 "咩開口埋口又係性呀? 貪好聽呀?"

* 係呀, 我無做過雞又無叫過雞將來亦無準備做雞, 我係門外看o架, 我亦都無否認呢樣o野. 可能我o的麻甩佬 friend 吹水咁吹, 你咪當一個南柯之夢聽o左就算囉.

匿名 說...

大家唔好咁激....傾下計咋...

首先想講我係女性.

我未睇~~與小子談...~~那篇文章, 有問題, 因為去親都hang機.
所我只係睇素呢篇, 就咁睇, 我覺得素顏己經假設左所有叫雞叫到用左感情既男人係好豬.

但我想話, 男人就算呢一刻用左感情, 下一秒己經唔記得左, (有好多原因, 不過最簡單係搵到一個新女) 所以素顏唔洗咁認真咁睇你朋友仔同你講叫雞叫到想包人, 唔洗替對方唔抵, 因為你朋友仔唔會沉一段好長既日子.

至於seikomatic講既, 我反而有d認同. 講真, 老婆同雞, 係性方面的確係冇分別. 我只係講性, 任何一個女性係性方面都係平等.

而且, 你屋企個女人都真係可以因為人地讚佢靚而同人上床.... 當然可能要加多一兩餐酒店既燭光晚餐, 一兩個把酒談心既晚上, 一兩個好touch到佢heart既moment, 要攪人地老婆並唔係難事.

男人同女人既分別係, 男人就係要傳宗接代, 佢唯一生存既目標就係搵最多既女人同佢生仔. 當呢一刻佢同你攪緊, 佢會有感情; 但下一刻佢就會忘記. 呢個係男人既天性, 所以我好覺得一夫一妻制係對男人好唔公平.
但女人就冇呢樣野, 佢地真係會動感情先會發生性行為, 所以跟一個男人一世唔係難事.

其實素顏會誤佢朋友仔沉左可能係果位人兄演技太好, 而素顏又好重朋友, 太緊張果位人兄....其實出得黎玩, 所有男人都明白發生緊咩事, 你朋友仔好快會冇事架啦...

匿名 說...

大家唔好咁激....傾下計咋...

首先想講我係女性.

我未睇@與小子談...@那篇文章, 有問題, 因為去親都hang機.
所我只係睇素呢篇, 就咁睇, 我覺得素顏己經假設左所有叫雞叫到用左感情既男人係好豬.

但我想話, 男人就算呢一刻用左感情, 下一秒己經唔記得左, (有好多原因, 不過最簡單係搵到一個新女) 所以素顏唔洗咁認真咁睇你朋友仔同你講叫雞叫到想包人, 唔洗替對方唔抵, 因為你朋友仔唔會沉一段好長既日子.

至於seikomatic講既, 我反而有d認同. 講真, 老婆同雞, 係性方面的確係冇分別. 我只係講性, 任何一個女性係性方面都係平等.

而且, 你屋企個女人都真係可以因為人地讚佢靚而同人上床.... 當然可能要加多一兩餐酒店既燭光晚餐, 一兩個把酒談心既晚上, 一兩個好touch到佢heart既moment, 要攪人地老婆並唔係難事.

男人同女人既分別係, 男人就係要傳宗接代, 佢唯一生存既目標就係搵最多既女人同佢生仔. 當呢一刻佢同你攪緊, 佢會有感情; 但下一刻佢就會忘記. 呢個係男人既天性, 所以我好覺得一夫一妻制係對男人好唔公平.
但女人就冇呢樣野, 佢地真係會動感情先會發生性行為, 所以跟一個男人一世唔係難事.

其實素顏會誤佢朋友仔沉左可能係果位人兄演技太好, 而素顏又好重朋友, 太緊張果位人兄....其實出得黎玩, 所有男人都明白發生緊咩事, 你朋友仔好快會冇事架啦...

匿名 說...

" 我覺得素顏己經假設左所有叫雞叫到用左感情既男人係好豬."

點解要將自己D 觀點硬套在素顏身上呢﹖人地講極都唔明﹐理解能力有問題。。。

素顏﹐ 不如你Kill 晒 D 低能 message 啦﹗我頂唔X 順啦﹗

匿名 說...

正如黃子華所講,男人係鍾意新鮮,對電器如是,對玩具如是,對女人亦如是

花一千幾百就能買來即時的新鮮感,完事後又乾手淨腳,其吸引力就正如一眾名店開設租借服務一樣,你一樣會買衫,不過相信耐唔耐都會想租下d你覺得唔會同佢長相斯守既靚衫放縱一下,滿足一下自己既慾望,舒服體貼未必如屋企衣櫃果件,不過一晚半晚又何需深究

至於沉船,小弟幾年前都試過,其原因除左係你申延連結所講果d,仲有就係果份神秘感同刺激,對於一d每日刻板工作,生活只有返工放工既男人黎講,果份神秘感自有其吸引力

最後,對於我黎講,性工作者/妓女/雞都只係一份職業,我唔會鼓勵人加入呢個行業,但亦唔會覺得做緊呢個行業既人有咩問題,當佢地普通人咁睇,就係對佢地最大既尊重

Unknown 說...

在下完全不算是素顏天使妹妹知心密友,我們只談"今日你食唔食lunch同去邊度食"及"今日你大佬有無返工"之外係唔會講其他野.完.

Designed by OddThemes | Distributed by Gooyaabi Templates