《女人本色》


男友喜歡薛凱琪,於是我租來了這部片子的 VCD 回來一起看。

觀後感,五個字 -- 不X知所謂。

向中央擦鞋之作。整部電影與現實完全脫節,是不適合正常的香港人看的。我還以為在看政府的宣傳片 / 教育電視。不停強調「好心有好報」「只要有信心鐵柱都會磨成針」「Nothing is Impossible」....... 非常之老土!!黃百鳴 (本片出品人兼監製,亦有客串一角),啦下唔係《開心鬼》年代囉~ 睇到我勁打冷顫,雞皮疙瘩都跑出來。

梁詠琪演一個超現實女強人。首先,10 年間樣貌完全無變,究竟她幾歲呢?本片完全無提及。憑甚麼這樣年輕做到一間上市公司的 CFO 呢?而這間所謂上市公司的業務是甚麼呢?為甚麼開會就只是討論經濟危機樓市狀況呢?業務發展是如何呢?一家上市公司為何要 CFO 同時兼管 HR 呢?酒會有無國旗佈置雞毛蒜皮又關高層的梁詠琪甚麼事呢?其實她是否掌管庶務二課呢?為何個仔有病入院這位阿媽會是完全不知情的呢?給人騙了 500 萬又會忍氣吞聲??林子祥死了,她替其還的那 3000 萬債項呢?點還??賣身賣足 30 年都還唔完啦!

美女如薛凱琪何以會對一位樣貌猥鎖的中坑阿叔 (這位阿叔於劇中是飾演一看就令人雙眼發光的靚仔) 一見鐘情????而這位阿叔自稱任職 stylist,著衫卻超級 bad taste (e.g. 螢光粉紅恤衫 / 閃銀色恤衫之類) 又何以令人信服????(做服指那位拖出去斬啦,頂!!)飾演普通 OL 的薛凱琪,又為何無端白事需要一個 stylist 為她由頭執到落腳??但全部衫都要自己比錢o架喎!那幕變身戲好 80's,《Pretty Woman》咩?!睇到我勁想死呀!!

最尾那個上市酒會,有齊李克勤 / 梁詠琪 / 張敬軒 / 薛凱琪,我「形住」他們是會一齊唱首國歌先散場囉!

全片最真實/合理一幕 -- 林子祥霸王硬上弓,整個進入到完成過程不足 1 分鐘。呢個年紀,咁上下啦.........

素顏天使影評--10 個金草莓,梁詠琪翻身無望。劇本太爛,再努力演也是徒然。

Official Site

8 則留言:

lize 說...

睇左15分中巳經冇動力再睇落去, 好開心睇到你個comment証明我give up既choice冇錯...

Old Cake 說...

I guess I should save my time and money to do something else...
Thanks for the heads up! :)

匿名 說...

在現實生活中,有一些CFO的管理範疇確是牽涉HR,還有IT部門和法務部的..

特此告知.

素顏天使™ 說...

匿名 > 電影裡面的梁詠琪不只是「牽涉」到 HR,是做埋 HR 的 dept. head。

不如你透露下邊間上市公司係咁樣,等我避開佢o的股票唔好買。有咩可能最忙果個 CFO 睇晒咁多 dept., 你話間公司得 10 個人就話 je, 佢上市公司o黎喎大佬. 即係叫曾俊華管埋人民入境事務處?? 點管呢??

uncle ray 說...

hi, 我是路過的.

這好像是梁鳳儀的小說改編, 而梁是親中央的, 所以故事不合HK看的了.

3B 說...

全片最真實/合理一幕 -- 林子祥霸王硬上弓,整個進入到完成過程不足 1 分鐘。呢個年紀,咁上下啦.........
<<<<<<<<< 哈哈哈哈哈!!!!!!!!!!!! :-P

Frankiewoo2001 說...

雖然我係好鍾意梁詠琪,但當日有贈券我都提唔起任何勇氣入場。另外果個樣貌燴瑣的中坑阿叔好似係嚮上面好紅果D明星黎架!

素顏天使™ 說...

Frankiewoo2001 > 我後來 google 過知道這位阿叔是跳開舞的, 有線新知台主持. anyway, 佢個樣好猥鎖!