星期六跟男友到尖沙嘴逛街，晚餐來了這家剛從日本進軍香港的過江龍 Freshness Burger 試包去。其實早陣子逛街時路過已經蠻有興趣，但因為人太多找不到位子就沒法。剛好這一次來就有兩個空位，是一個大好機會了！hoho~
這裡也跟其他的快餐店一樣，可以點選套餐，加 HKD$18@就可以有一杯飲料/餐湯和薯角了。可樂的供應商是 Pepsi，死硬派可口可樂的 fans 要留意了。
我的和風肉汁漢堡 (Freshness Burger)，是這店的「店自慢」招牌品，當然要點來試一下啦！這裡用的所有包都是混了南瓜一同製作的 Pumpkin bun，說是更香甜軟熟云云。個人覺得是比較甜，但就此而已，沒嚐到南瓜味。而且包是冷的，也大打折扣。漢堡扒粉混太多，整個包就是靠那個和風醬汁撐起來。味道方面，我覺得有點像老麥的至尊漢堡。題外話是，日本方面有提供 size 大小選擇。小的以蕃茄的圓周大小做準則，香港則只有一個大 size 提供。
男友吃的是照燒汁牛肉漢堡 (Teriyaki Burger)，只有一塊漢堡扒和生菜...........就是這樣了 囧rz。 味道嘛.........還可以啦，不過感覺有點「寡」就是了。
薯角，好．難．吃！好像是炸好擱了一整天才端給客人的樣子！可能洋荵圈會比較好，但我已經沒甚麼興趣去試了。另外比較特別的是這裡有賣水，每支 HKD$18，竟然是出名貴價好喝的 Fiji Water！！！
最不滿是廚房跟櫃面的狀況超混亂，櫃面的服務員不停的在高叫單子上的號碼，很燥底，感覺挺差，我倆的單無故被分開做兩張，上桌的先後不一，但總的來說上桌時間就沒有 MOS Burger 的等那麼久。
買單 Total HKD$78，比 MOS Burger 便宜，比老麥貴。包不見得比老麥好吃，更莫說是 MOS Burger / OOO 的了。要再來吃的話，真是要找一個充份的理由給自己了。
-----------
Freshness Burger
地址：尖沙咀海運大廈2樓OT242號鋪
電話：3101 0183
菜式：日本
備註：Official Site http://www.freshnessburger.co.jp
食物看來有點粗製濫造，原本都有少少興趣試，不過現在不用了。
本來都諗住去試下，但睇個包個樣，同MOS真係差好遠喎......再考慮下先。
之前開張左冇耐去過食，個位相當差，我懷疑平日有咩人會去到果到食ｌｕｎｃｈ，可能只有附近既商舖幫襯
唔講食物，講管理，相比起位置，呢個問題大得多，好少可見到一間快餐店管理得咁差，我相信佢地管理既人員都唔係做開快餐店，並無相關既經驗，照我當日睇，我估大部分既管理人員都係老闆既親戚或朋友，可能佢地覺得管理一間快餐店係好容易既事，只需要憑ｃｏｍｍｏｎ ｓｅｎｓｅ就可以，結果如你我所見，一個字---亂
印象最深係櫃檯負責分ｏｒｄｅｒ既一男一女，我相信佢地係比較高級既員工，亦估佢地係老細既親戚／朋友，第一眼望見佢兩位已經有少少奇怪，因為佢地冇著制服，就因為呢點已經俾我覺得呢間野唔專業，第二樣就係如素顏所說，呢兩條友相當燥，不時聽到佢地鬧ｄ員工，對客既態度亦差，仲要周不時分錯ｏｒｄｅｒ，當日我個ｏｒｄｅｒ分左三次先拎得晒，仲要最尾俾錯野，不過我都廢事換，只求快快趣食完走，亦唔會再幫襯
當日食完得一個結論，呢間野應該只係ｄ有錢佬屎忽痕冇野攪，開俾ｄ屋企人過日神既
至於食物質素，同素顏既意見相同，咁去唔去幫襯，大家只需要問自己一個問題，點解要行到冇雷公咁遠去食一間仲差過老麥兼俾氣你受既快餐店呢？
聽你和上面位朋友講完，都唔駛去，但我反而有興趣樽fiji water，聽芝see姑bi講到天上有地下無的淨水，唔知citysuper有冇得賣呢? :)
哈....我都覺得呢個結論幾啱:「呢間野應該只係ｄ有錢佬屎忽痕冇野攪.....」如果唔係點解明知有d位置唔ok...都仲要開???d野食...我有一次同朋友試過一次....真係噁....仲差過Triple O...但d價錢同Triple O差唔多....唉....免la...
唔洗錢我都唔會再去.....
最好笑ge係....我經過其中一間分店....
有人大大聲講:邱氏集團又搞新花臣...不過遲早執...而且呢間burger仲要咁X貴....
我食M記都唔會幫襯佢la...
發佈留言