林積積生蝨

所謂無事不登三寶殿,好啦,這次真的好大穫。

林積積生蝨呀!

我也 completely no idea 究竟無端白事何顧養了牠快兩年,牠才無源無故生蝨。

最近見積積抓癢抓得很頻密,但我也無細想是何原因。直至最近我的兩個腳掌都不停被一些小蟲咬,起初還以為是蚊滋。心血來潮翻開積積的肚皮的毛 (還好那部分是白色),驚見蝨蹤!這時我才猛然知道是所謂何事。

我替其噴了英國製的 Johnson's 的 cat flea spray (HKD$50)(家裡一早買了的),但好明顯蝨子大哥們是比這支無用的噴霧惡得多,跟著背後說明三十分鐘後意圖梳掉那些我「以為已經完全死去」的蝨子,結果是一隻都無死過!最後還是人手替其抓,越抓越有,抓到了 10 隻(!)。以為抓完,還是見到有三幾隻在毛裡面亂闖。我完全是無辦法了。

我閱過鍾偉民寫他的安哥拉貓大白燦,大白燦生虱時他先替其以吸塵機 (!) 吸走身上的蝨子,再替其泡澡。但這兩個方法對林積積是完全行不通的,首先林積積極怕吸塵機,平常我吸塵牠一定躲到九丈遠,第二是林積積雖然可以洗澡,但有一次男友替其洗澡後,怕其著涼用風筒吹乾貓毛,林積積發了癲一般還抓傷了男友的頸,劃了一道很深的血痕!至此之後都只敢用乾洗粉了。

有甚麼方法可以完全把積積身上的蝨去除呢?


「呢次大鑊啦!」



昨晚我去出名掠水的紅蘿蔔買了一個 法國製的 Otello 蝨帶 (HKD$55),綠色的,好醜樣。再在積積的頸背滴了跟上面那支噴霧同牌子的 Johnny's 杜蝨藥水 (HKD$58),好臭藥味。希望有用。我有紅蘿蔔會員卡,可以打九五折,better than nothing。

************

跟有養狗的 R 小姐說起,她教我可以買 frontline (是不是這樣串?) 給積積搽,但要等一個月之後待剛塗了的那個藥性揮發,而且是需要醫生處方。或者買有藥性的洗澡粉替其泡澡。如果帶積積去看獸醫,會不會給殺到一頸血呢?
Unknown 說...

I'm a Frontline user and I've not seen a single flea for many years. It's the best flea control on the market. You don't need to bring your cat to the vet's to buy it, just tell the staff you need a box (comes in 3 or 6-month supply). Tell them all the stuff you've used on your cat so far, I bet they'll say you can start the Frontline right away.

匿名 說...

YES! frontline is very effective and recommend by vets

匿名 說...

我都係同我d貓用 frontline . 用滴頸那一種.我去開的獸醫賣大約$150-168 / 3支, 一支可以有效一個月. 另有噴劑 ( 我唔係太中意比貓用,要好暴力咁.)
如果想同積積去睇獸醫,你預計 :檢查費 $180-220 不等 , 打預防針大約$160-180 , 另買frontline 滴頸劑就 $150-168 .
咁耐以黎我屋企d貓都唔會有蚤 ~ 你試下喇 ~~

Meling Lam 說...

朋友的一對貓剛去SPCA杜蝨, 花了二千幾!

素顏天使 說...

多謝各位留言.

我求先有朋友教我上網買 frontline 滴頸藥水, $120 only, 行貨. 星期六都會帶積積去獸醫度 check check.

另外呢兩日會用埋煙霧滅蝨劑, 殺死晒有可能潛伏響屋企的蝨. :@

進度遲下再同大家報道.

Q > got yr mesg. 我想應你果時你 off o左啦~

apple > SPCA 掠水掠得最勁.

虎茶 說...

放心啦, frontline好有效.

匿名 說...

沖涼係一定要架~ 咁熱的天氣係唔駛用風筒吹乾架~
濕身時捉蝨係最容易的, 你一定要將隻蝨用指甲鉗死佢, 白色一粒粒嗰D係蝨乸蛋嚟架, 都要鉗爆佢播 (講到好似好核凸咁添)
佢哋最鐘意藏喺肚呀頭呀頸呀D地方度, 要留意啊~

Beer Happy

匿名 說...

唔記得同你講埋, 唔好隔太久先沖涼, 咪十年冇沖開, 突然間沖咁緊係驚啦佢, 俾佢習慣吓沖涼仔嘛~ 冬天就唔好囉~ 會冷親個寶貝仔架 ^^

Beer Happy

匿名 說...

內外並用
1.用杜蚤的蘗水浸,浸完抹乾再自製一個"焗爐"(用籠一個,毛巾蓋著,剩下一面用抽濕機對住,唔駛理積積,2-3個鐘自然乾)

2內服,寵物城OR其他店會有一隻叫PROGRAM的內服杜蚤藥,道理和FRONTINE一樣,一個月一次,佢會令到所有叮過積積血的蚤失去生殖能力,最後問題自然解決,還有預防生小皮膚病的作用。我家的貓從加拿大吃到回香港,5年多也沒問題。值得一試
(寵物城賣2XX一盒,6枝藥足夠食半年)

可以到我家看看,曾有介紹過
http://blog.sina.com.tw/leftleg/article.php?pbgid=16851&entryid=6467

匿名 說...

其實會唔會係俾其他貓傳染啊

zz............. 說...

我的貓及狗都用了frontline好多年,一個月滴一支在頸背,好有用(寵物店有售)。藥水會滲透到貓貓皮層下,繼而藥性會隨著牠的血液走,全身都有(好神奇)。蝨子吃了牠的血後,就會死,慢慢就杜絕所有蝨了。

看獸醫去spca啦,我年年幫我班寵物驗身添架!仲打埋針!!又,frontline在獸醫處,有打針配方,是一年有效用的。貴一點,但不用每月去幫牠滴囉。所以現在我都轉了幫貓狗打針。

匿名 說...

哎呀,補充
其實睇醫生都冇用,佢都係比藥水叫你同積積沖涼或比藥佢食。

不過如果你想睇醫生,我D貓睇個荷蘭VET在大坑,叫大坑獸醫診所,唔貴,仲對貓好好

Nana 說...

我已經唔記得以前個陣點處理,但記得係餵佢地食杜蝨藥..
雖然好難餵,但係都work...

當然最好梗係去比獸醫處理比較好...

匿名 說...

其實我想你要查下來源,
費時再有下次,
會唔會係上次來你家的鄰家大惡貓?
佢走過入黎0家?

仲有,唔好放積積同佢地玩住呀,要隔離呀,
唔係你鄰居咁有多貓,
一傳到就真係...大"金獲"!!!

Designed by OddThemes | Distributed by Gooyaabi Templates