點了兩個 pasta 分著吃，先來的秘製吞拿魚醬松子香草炒意大利粉。那個香草 (好像八角味的) 好像下太多，不過還算是不錯的。炒得較乾身也是我所喜歡的質感。
蒜片香辣大蝦天使麵，比我上次來吃時要濕和辣，如果乾一點會好吃得多。
比較有趣的是我們隔著玻璃見到個穿著黑色蜘蛛俠 costume 的男人 (full gear 上陣還蒙了面!!!!)，還跟我倆揮手，本來心情有點不好的，見到這個人笑完就沒事了。
服務一般。買單連加一約 HKD$180。
************
飯後過了對面的 sift 吃古古力蛋糕。
久聞風評不錯，想來這裡試好久的了。店雖小，但環境清新雅緻，最喜歡有那淡紫白色的繡球花。剛來時時間尚早，只有我們一桌人客，挑了近落地大窗的位置坐。
先交代少許店的背景，店走中高檔路線，女店主曾經在很有名的 Thomas Keller 旗下的一家米芝蓮三星級餐廳 French Laundry 工作，學成後歸來就開了這小店。懶理三星還是無星，最重要還是食品的質素吧！
只賣甜品的小店選擇倒是不多，只有約 10 款的甜品。本來想是先吃完一款再試另一款，但因為這 Sift Chocolate Cake 實在太膩，所以把這吃完就算了。那個餅底 (chocolate fudge cake) 的份量很少很少，佔90% 都是 chocolate mousse！！一個人吃的話，吃完不飽到裂開才怪！古古力慕絲很細滑，用的古古力也是上等貨式。面頭再飾以一層古古力脆皮，還有脆餅碎，賣相也很漂亮啊~ 蛋糕好好吃，但價錢殊不便宜。這一小件的售價是 HKD$64，還未算加一。
吃完蛋糕後我倆再點了兩個白酒，House White Wine 杯裝的話則只有一個選擇 (Rolf Binder Selection Semillon / Chardonnay 2005 - Barossa Valley) (另外幾款白酒都是 new world 的) ，不曉得是不是古古力太甜有所影響，還是酒本身較差，反正不好喝就是了。HKD$49@。
進店時本來想要坐到外面的 terrace 去，女侍應表示因為剛下雨，那一邊要暫時關閉。但當時地面很明顯是乾的喔 (去洗手間時我特地去摸一下，確實是完全乾的。)！！我倆就想應該是她們躲懶不想要抹外面的桌子吧？不過後來再看到地面有幾盞燈，可能是正在清洗不方便我們進去。但無論如何說這些無謂的謊話也是不應該的吧，另外看 openrice 也見到有不少是對這店的服務作很極端的劣評，是晚所見則沒甚麼問題，可能是我倆好運。
有機會的話，可以在日間來 terrace 的，環境不錯哦。另外特別一提是，星期五/六 6pm 後每人的最低消費是點一個 item。
買單連加一約 HKD$180。
------------
Cafe Graham 嘉咸咖啡
地址：中環嘉咸街51號D地下
電話：2905 1768
菜式：西式
Sift Dessert Bar
地址：中環嘉咸街46號地面
電話：2530 4288
菜式：西式
唉....人地都吳係女仔
1)想請問一下, 你識吳識整芝士焗龍蝦伊麵個隻汁? 即係酒樓個隻喎
2)吳係哈化,你around 81出世, 竟然曾經勁聽Kraftwerk? 莫非你係德國大?
** 希望你可以答我1), 等我星期五可以係屋企試下, thanks alot !
Angel Hair 真係好難整得乾爽
當然餐廳水準又係另一個要求啦
子平学神 > 1) 請睇我舊 post. 其實之前都寫過了. 2) 有幾咁奇? -_- 3) 你唔係女仔?! 我唔信!!
宇宙人 > 屋企煮其實跟個包裝袋個時間煮就好穩陣, 咁我通常再過一過冷河, 就好難會失手的.
>_^ thanks alot ! 你真係好勁呀 !
1)但係甘喎, 用cheddar cheese or 普通食三文治個d片裝芝士呢?(好耐先溶嗎?)
2)埋生粉係先溝水定係就甘 扌定 D粉落去呢?
3)真係"跟外邊吃到的沒兩樣"?!
另外, 咪就係奇在你吳似26囉 ^_^
子平学神 > 1) 普通食三文治o個d片裝芝士 OK, 唔會好耐先溶的. 2) 當然係先溝定水啦!!!! 3) 你唔信可以自己試下, 你跟得足我食譜就一定似.
2 pieces of Sift Chocolate Cake to go, please! ^^
嘉咸其實除左weekend之外，平時夜晚唔系太多人，但weekday中午反而一定要book先有位。有兩個頭盤，白酒煮clam 或mushroom加bread(我唔記得d名...)都幾好食架。
而sift的服務就... 全中啦。 :)
決定左聽日整呀!
但係有野問
都係度問方便d,
1)d 是雲臣湯清湯使吳使架水?
吳架係米好咸?
if要,加幾多 ?
2)生粉加水既份量係幾多?
3)再攞埋去焗係米會再正d ?
吳該哂 !
**講多次, 我真係吳係女仔黎加 !!!
你吳好好似周d TB 入係男次甘啦^_<
(講下笑啫)
子平学神 > 1) 大佬, 我點知你食得幾鹹幾淡, 我覺得呢個唔洗加水的份量係 OK wor, 唔會過鹹. 2) 想個汁濃o的就多o的生粉, 稀o的就少o的生粉. 3) 你喜歡啦, 但我就無食過中式的芝士龍蝦伊麵會焗過o架囉.
發佈留言